மதுரையில் பட்டப் பகலில் இளம்பெண்ணுக்கு நேர்ந்த கொடூரம்!...தப்பியோடிய வாலிபருக்கு போலீஸ் வலைவீச்சு!

மதுரை மாவட்டம், ஒத்தக்கடை அருகே ஒரு தனியார் ஜெராக்ஸ் கடையில் அதே பகுதியைச் சேர்ந்த இளம்பெண் ஒருவர் பணியாற்றி வரும் நிலையில், இவரை சித்திக் ராஜா என்ற இளைஞர் ஒருதலையாக காதலித்து வந்துள்ளார். இளம்பெண்ணிடம் தன்னை காதலிக்குமாறு அவர் தொடர்ந்து தொல்லை கொடுத்து வந்துள்ளதாக சொல்லப்படுகிறது

இந்த நிலையில், தன் காதலுக்கு இளம்பெண் தொடர்ந்து மறுப்பு தெரிவித்ததால் கடும் ஆத்திரம் அடைந்த இளைஞர், ஜெராக்ஸ் கடைக்குள் புகுந்து இளம்பெண் மீது கொலைவெறி தாக்குதல் நடத்தியது பெரும் அதிர்வலைகளை ஏற்படுத்தி உள்ளது.

இந்த தாக்குதலில் இளம்பெண்ணின் தலை, முகம் உள்ளிட்ட இடங்களில் பலத்த காயம் ஏற்பட்ட நிலையில், தாக்குதலில் ஈடுபட்ட இளைஞர், அங்கிருந்து உடனடியாக தப்பியோடினார்.

காயமடைந்த பெண் மதுரை அரசு மருத்துவமனையில் அனுமதிக்கப்பட்டுள்ள நிலையில், இந்த சம்பவம் குறித்து ஒத்தக்கடை போலீசார் வழக்குப்பதிவு செய்து, இளம்பெண்ணை தாக்கிய இளைஞரை வலைவீசி தேடி வருகின்றனர். இது தொடர்பான சிசிடிவி காட்சிகள் வெளியாகி பரபரப்பை ஏற்படுத்தி உள்ளது.