மோடியின் கன்னியாகுமரி பயணம் - தேர்தல் ஆணையத்திற்கு செல்வப்பெருந்தகை கடிதம்.!
tn congrass leader selva perunthagai write letter to election commission for modi kanniyakumari programme
பிரதமர் நரேந்திர மோடி மே 30 ஆம் தேதி (நாளை) மாலை கன்னியாகுமரிக்கு வருகை தருகிறார். இதையொட்டி கன்னியாகுமரியில் பாதுகாப்பு ஏற்பாடுகள் தீவிரபடுத்தப்பட்டுள்ளது.
மே 30 ஆம் தேதி தமிழகத்திற்கு வரும் அவர் மே 31 முதல் ஜூன் 1 தேதி வரை கன்னியாகுமரியில் உள்ள விவேகானந்தர் பாறையில் தியானம் செய்ய இருக்கிறார். இந்த நிலையில், மோடியின் கன்னியாகுமரி நிகழ்ச்சிக்கு தேர்தல் ஆணையம் அனுமதி அளிக்கக் கூடாது என்று தமிழ்நாடு காங்கிரஸ் தலைவர் செல்வப்பெருந்தகை தனது எக்ஸ் பக்கத்தில் தெரிவித்துள்ளார்.
![](https://img.seithipunal.com/media/MODI M.png)
இது தொடர்பாக அவர் வெளியிட்டுள்ள பதிவில், "மக்கள் பிரதிநிதித்துவ சட்டத்தின்படி தேர்தல் நடத்தை விதிமுறைகள் அமலில் இருப்பதால் தேர்தல் ஆணையம் மோடியின் கன்னியாகுமரி நிகழ்ச்சிக்கு அனுமதி அளிக்க கூடாது.
வாக்குப்பதிவுக்கு முந்தைய 48 மணிநேர அமைதிக் காலத்தில் இதுபோன்ற நிகழ்ச்சியின் மூலம் ஊடகங்கள் வாயிலாக மோடி அவர்கள் மறைமுகப் பிரச்சாரம் செய்ய முயற்சிக்கிறார் என்பது தெளிவாக தெரிகிறது. இதுகுறித்து தேர்தல் ஆணையத்திடம் நாளை கடிதம் கொடுக்கப்பட உள்ளது. தேவைப்பட்டால் நீதிமன்றத்தையும் அணுகுவோம் என்று தெரிவித்துக்கொள்கிறேன்" என்று தெரிவித்துள்ளார்.
English Summary
tn congrass leader selva perunthagai write letter to election commission for modi kanniyakumari programme