'பிடே' உலகக் கோப்பை செஸ் போட்டியின் இறுதிப்போட்டியில் இந்தியாவை சேர்ந்த பிரக்ஞானந்தாவும், உலகின் 'நம்பர் ஒன்' வீரரும், 5 முறை உலக சாம்பியனுமான மாக்னஸ் கார்ல்செனும் (நார்வே) மோதினர். 

இறுதிப்போட்டியின் டை-பிரேக்கர் இரண்டு சுற்றிலும் நார்வே வீரர் கார்ல்சன் வெற்றி பெற்று சேம்பியன் பட்டம் வென்றார்.

செஸ் உலகக் கோப்பையில் 2ம் இடம் பிடித்த பிரக்ஞானந்தாவுக்கு இந்தியாவின் பல்வேறு தலைவர்களும் வாழ்த்து தெரிவித்து வருகின்றனர்.

இந்நிலையில், தமிழக ஆளுநர் விடுத்துள்ள வாழ்த்துச் செய்தியில், பிரக்ஞானந்தா  உங்களின் பிரமிக்கவைக்கும் புத்திகூர்மை மிக்க ஆட்டங்களால், ஒவ்வோர்  இந்தியரின் இதயத்தையும் வென்று நாட்டிற்கு பெருமை சேர்த்திருக்கிறீர்கள். 

நீங்கள் மறுமலர்ச்சி  தன்னம்பிக்கை இந்தியாவின் பிரதிபலிப்பு. இந்த தேசம் உங்களை மிகவும் நேசிக்கிறது" என்று ஆளுநர் ரவி தெரிவித்துள்ளார்.

தமிழக முதல்வர் முக ஸ்ராலின் விடுத்துள்ள வாழ்த்துச் செய்தியில், ''சிறப்பான ஆட்டத்தை வெளிப்படுத்திய பிரக்ஞானந்தாவிற்கு மனமார்ந்த வாழ்த்துக்கள். 

உலகின் நம்பர் 2 வீரரான நகமுரா மற்றும் நம்பர் 3 வீரரான கருவானாவை தோற்கடித்து, இறுதிப் போட்டிக்கான பயணம் எங்களை வியப்பில் ஆழ்த்தியது. 

உங்கள் சாதனை 140 கோடி கனவுகளுடன் எதிரொலித்தது. முழு தேசமும் உங்களை நினைத்து பெருமை கொள்கிறது பிரக்ஞானந்தா. வரவிருக்கும் தலைமுறையினரை ஊக்குவிக்கும் மைல்கற்கள் நீங்கள்" என்று வாழ்த்தியுள்ளார்.