தொடர் அட்டூழியம் - தமிழக மீனவர்கள் 25 பேர் கைது.!
twenty five tamilnadu fishermans arrested
சமீப காலமாகவே கடலுக்கு மீன் பிடிக்கச் செல்லும் தமிழக மீனவர்களை எல்லைத் தாண்டி மீன் பிடித்ததாக கூறி இலங்கை கடற்படையினர் கைது செய்யும் சம்பவம் அடிக்கடி நடந்து வருகிறது.
அந்த வகையில், நாகை மீன்பிடி துறைமுகத்தில் இருந்து கடலுக்கு மீன்பிடிக்க சென்ற தமிழக மீனவர்கள் இருபத்தைந்து பேரை இலங்கை கடற்படை கைது செய்துள்ளதாக தகவல் வெளியாகி உள்ளது.
கடலுக்கு இரண்டு படகுகளில் மீன்பிடிக்க சென்ற இருபத்தைந்து மீனவர்களை எல்லை தாண்டி மீன் பிடித்ததாக கூறி பருத்தித்துறை கடற்பரப்பில் வைத்து இலங்கை கடற்படையினர் கைது செய்துள்ளனர்.
இந்த கைது சம்பவம் சக மீனவர்கள் மத்தியில் அச்சத்தையும், பெரும் பரபரப்பையும் ஏற்படுத்தியுள்ளது. இலங்கைக்கு கடற்படையினரின் இந்தத் தொடர் அட்டூழியத்தை தடுக்க வேண்டும் என்று கோரிக்கையும் விடப்பட்டுள்ளது.
English Summary
twenty five tamilnadu fishermans arrested