'நல்ல மனிதர் மக்களை விட்டு மறைந்து விட்டார்' - விஜயகாந்த் மறைவிற்கு ஜி.கே. வாசன் இரங்கல்!
Vijayakanth death GK Vasan condolence
நடிகரும் தே.மு.தி.க தலைவருமான விஜயகாந்த் உடல்நிலை குறைவால் நேற்று காலமானார். இவரது உடல் தேமுதிக தலைமை அலுவலகத்தில் நேற்று வைக்கப்பட்டு கட்சி நிர்வாகிகள், தொண்டர்கள், பொதுமக்கள் ஆகியோர் அஞ்சலி செலுத்தினர்.
இதனை தொடர்ந்து இன்று அதிகாலை விஜயகாந்த் உடல் தீவு திடலுக்கு மாற்றப்பட்டது. அங்கு காவல்துறையினர் தடுப்புகள் அமைத்து பொதுமக்கள் வரிசையில் நின்றபடி விஜயகாந்த் உடலுக்கு அஞ்சலி செலுத்தி வருகின்றனர்.
இந்நிலையில் சென்னை, தீவு திடலில் தமிழ் மாநில காங்கிரஸ் கட்சி தலைவர் ஜி.கே. வாசன் விஜயகாந்த் உடலுக்கு அஞ்சலி செலுத்திய பின் செய்தியாளர்களை சந்தித்தபோது, தேமுதிக தலைவர் விஜயகாந்த் மறைவு திரைத்துறை மட்டுமல்லாது அனைவருக்கும் பேரிழப்பு.
அவருக்கென தனி ஒரு ரசிகர்கள் என்ற நிலையை ஏற்படுத்தி அதன் மூலம் உயர்ந்த இடத்தை பிடித்து மக்கள் நல பணிகளை செய்து படிப்படியாக உயர்ந்தவர்.
அனைவரிடமும் அன்பு செலுத்தி நட்புக்கு இலக்கணமாக செயல்பட்டவர். மாநிலத்திலும் சரி மத்தியிலும் சரி மூத்த தலைவர் கொள்ளோடு மரியாதைக்குரிய தலைவராக பழகியவர்.
ஒரு சிறந்த கலைஞர், உயர்ந்த அரசியல்வாதி இதனை தாண்டி ஒரு நல்ல மனிதர், இன்று தமிழ் மக்களை விட்டு மறைந்து விட்டார் என வருத்தத்துடன் தெரிவித்துள்ளார்.
English Summary
Vijayakanth death GK Vasan condolence