மறைந்த தொழிலதிபர் ரத்தன் டாடாவின் கனவுத் திட்டமாக இருந்த டாடா நானோ, இப்போது ஒரு புதிய வடிவில், எலக்ட்ரிக் கார் (EV) ஆக சந்தையில் திரும்ப வந்துள்ளது.

2008ல் அறிமுகமான டாடா நானோ, தனது மிகக்குறைந்த விலை மற்றும் எளிய வடிவமைப்பால் பொதுமக்களின் கனவுக் காராக இருந்து வந்தது. அதே போல, இந்த முறை நானோ எலக்ட்ரிக் வாகனமாக (EV) திரும்பி, மொத்த மொபிலிட்டி துறையில் பரபரப்பை ஏற்படுத்தியுள்ளது.

டாடா நானோ EV க்கு வரும் அம்சங்கள் பொதுவாக மக்களிடம் பெரும் எதிர்பார்ப்பை ஏற்படுத்தியுள்ளது. இதன் முக்கிய அம்சங்கள் கீழே வழங்கப்பட்டுள்ளன:

பேட்டரி திறன்: 15 kWh திறன் கொண்ட லித்தியம்-அயன் பேட்டரியுடன், ஒரு முறை சார்ஜ் செய்தால் கார் 312 கிலோமீட்டர் வரை செல்லும்.
வேகக்கூறுகள்: 0 முதல் 100 கிலோமீட்டர் வேகத்தை 10 விநாடிகளில் எட்டிவிடும். இதன் அதிகபட்ச வேகம் மணிக்கு 120 கிலோமீட்டர்.
வசதிகள் : கார் 4 இருக்கைகளுடன் வருகிறது. 7 இன்ச் டச் ஸ்கிரீன் இன்ஃபோடெயின்மென்ட் சிஸ்டம் மற்றும் 6 ஸ்பீக்கர்கள் கொண்ட ஆடியோ அமைப்பு.
பாதுகாப்பு அம்சங்கள்: பவர் ஸ்டீயரிங், பவர் ஜன்னல்கள், ஆன்டி-லாக் பிரேக் சிஸ்டம் (ABS) மற்றும் காற்றுப்பைகள் (Airbags).
சார்ஜிங்: வேகமான சார்ஜிங் வசதியுடன், 80% பேட்டரியை சுமார் 60 நிமிடங்களில் சார்ஜ் செய்யலாம்.

விலை: - அடிப்படை மாடலின் விலை ரூ. 3.5 லட்சம் முதல் துவங்கி, 
- டாப் வேரியண்ட் விலை ரூ. 5 லட்சம் முதல் ரூ. 8 லட்சம் வரை இருக்கலாம் என எதிர்பார்க்கப்படுகிறது.

நானோ EV, அதன் மிகக்குறைந்த விலை, நவீன அம்சங்கள் மற்றும் சுற்றுச்சூழல் நட்பு காரணமாக மக்களிடையே பெரும் வரவேற்பைப் பெறும். இதன் அறிமுகம் மூலம், இந்திய மொபிலிட்டி துறையில் புதிய மாற்றங்களை ஏற்படுத்தும் வாகனமாக இது உருவாகும் என நம்பப்படுகிறது.