தேனிசை தென்றால் தேவாவின் இசையில், எஸ்.ஜி.எஸ் கிரியேட்டிவ் மீடியா சார்பில் எஸ்.பி.ஆர் தயாரிப்பில், டிசம்பர் 1 ஆம் தேதி வெளியான ‘வா வரலாம் வா' திரைப்படம், குடும்பங்கள் கொண்டாடும் வெற்றி படமாக அமைந்துள்ளது.
 
தயாரிப்பாளர் எஸ்.பி.ஆர் உடன் இணைந்து எல்.ஜி.ஆர் இயக்கியுள்ள இந்த படத்தில் கதாநாயகனாக பாலாஜி முருகதாஸ், நாயகியாக மஹானா சஞ்சீவி, வில்லனாக மைம் கோபி நடித்திருக்கிறார். 

முக்கிய கதாபாத்திரங்களில் ரெடின் கிங்ஸ்லி, காயத்ரி ரெமா, சிங்கம் புலி, இயக்குநர் சரவண சுப்பையா, கிரேன் மனோகர், தீபா சங்கர் உள்ளிட்ட பல முன்னணி நட்சத்திரங்கள் உடன், 40 குழந்தைகளும் இப்படத்தில் நடித்திருக்கின்றனர்.

உலகமெங்கும் டிசம்பர் 1 திரையரங்குகளில் வெளியான "வா வரலாம் வா" திரைப்படம், விமர்சன ரீதியாகவும், வசூல் ரீதியாகவும் வெற்றிப்படமாக முத்திரை பதித்துள்ளது.

குறிப்பாக குழந்தைகள், குடும்பங்கள் கொண்டாடும் படமாக "வா வரலாம் வா" அமைந்துள்ளது. 'தேனிசை தென்றல்' தேவாவின் பின்னணியி இசையும், பாடல்களும் ரசிகர்கள் மத்தியில் பெரும் வரவேற்பை பெற்று உள்ளது.

இந்நிலையில், Book My Show தளத்தில் 'வா வரலாம் வா' திரைப்படத்தை பார்த்த ரசிகர்களால் 8.1 ரேட்டிங் கொடுக்கப்பட்டுள்ளது. டிசம்பர் 1-ல் வெளியான மற்ற படங்களை காட்டிலும் 'வா வரலாம் வா' திரைப்படம் ரசிகர்களின் ஆதரவை பெற்று முதலிடம் பிடித்து உள்ளது.

மேலும், IMDb தளத்திலும் "வா வரலாம் வா" திரைப்பத்திற்கு 9.5/10 ரேட்டிங் ரசிகர்களால் கொடுக்கப்பட்டுள்ளது. பொதுமக்கள் மத்தியிலும் (public Review) நேர்மறையையான விமர்சனங்களையே இத்திரைப்படம் பெற்றுள்ளது.

மொத்தத்தில் "வா வரலாம் வா" படத்தின் முதல் நாள் பாக்ஸ் ஆபிஸ் வசூல் மற்றும் நேர்மறையான விமர்சனம் என அனைத்திலும் நல்ல தொடக்கம்.