உடல் கருகி உயிரிழந்த மக்கள்! அஜர்பைஜனில் நெஞ்சை பதற வைத்த வெடி விபத்து!

அஜர்பைஜன், ஸ்டெபனகெர்ட் பகுதியில் இயங்கி வரும் எரிவாயு நிலையம் திடீரென நேற்று பிற்பகல் வெடித்து விபத்து ஏற்பட்டது.

இந்த விபத்தில் 20 பேர் உயிரிழந்தனர். அதில்13 உடல்கள் சம்பவ இடத்தில் கண்டெடுக்கப்பட்டுள்ளதாகவும் 7 பேர் மருத்துவமனையில் சிகிச்சை பலனின்றி உயிரிழந்தாகவும் தெரிவிக்கப்பட்டுள்ளது.

மேலும் படுகாயம் அடைந்த 290க்கும் மேற்பட்டவர்கள் மருத்துவமனையில் தீவிர சிகிச்சை பெற்று வருகின்றனர்.

இதில் சிலர் கவலைக்கிடமாக இருப்பதாக சுகாதாரத்துறை தெரிவித்துள்ளது. கடந்த வாரம் 3சதாப்த கால பிரிவினைவாத ஆட்சிக்குப் பின்னர் அஜர்பைஜனின் பிராந்தியத்தை முழுமையாக மீட்பதற்கு ராணுவம் கடும் நடவடிக்கை மேற்கொண்டது.

இதன் பிறகு ஆயிரக்கணக்கான மக்கள் இப்பகுதியை விட்டு வெளியேறிய போது இந்த வெடி விபத்து ஏற்பட்டது குறிப்பிடத்தக்கது