ஸ்பெயின் நாட்டின் கிழக்கு பகுதியில் உள்ள வாலென்சியாவில் கடுமையான மழை வீழ்ச்சி தொடர்ந்து ஏற்பட்ட வெள்ளம் பல பகுதிகளில் பேரழிவை உருவாக்கியுள்ளது. கடந்த செவ்வாய்க்கிழமை தொடங்கி பெய்து வந்த கனமழையால் மலாகா முதல் வாலென்சியா வரை உள்ள முக்கிய நகரங்கள் வெள்ளத்தின் பாதிப்புக்குள்ளாகி, இப்பகுதியில் வாழும் மக்கள் பரிதவித்தனர். வெள்ளத்தால் பாதிக்கப்பட்ட 12-க்கும் மேற்பட்ட நகரங்களில் நிலைமையை கட்டுப்படுத்த முடியாமல் நகரமெங்கும் தெருக்கள் ஆறுகளாக மாறியது.

இந்த பெருவெள்ளத்தால் பாதிக்கப்பட்ட நகரங்களில் கார்கள் வெள்ளத்தில் அடித்துச் செல்லப்பட்டு, சாலைகள் மற்றும் ரெயில் தண்டவாளங்கள் கடுமையாக சேதமடைந்தன. பல பகுதிகளில் மரங்கள் வேரோடு சாய்ந்து வெள்ளத்தில் அடித்துச் செல்லப்பட்டன. இந்த மழை, நகரத்தின் அடிப்படை வசதிகளை அழித்து போக்குவரத்தை தடை செய்துள்ளது. மக்கள் தங்கள் வீடுகளில் அகப்பட்டு பாதுகாப்பற்ற நிலைக்கு ஆளாகினர்.

வெள்ள பாதிப்புகளில் இருந்து மக்களை மீட்க ராணுவம் மற்றும் மீட்புப் படைகள் விரைந்து செயல்பட்டன. காயமடைந்தவர்களை சிகிச்சை அளிக்க மருத்துவ படையனிகள் மற்றும் மீட்புக் குழுக்கள் சம்பவ இடத்தில் உதவிக்காக குவிக்கப்பட்டுள்ளன. பாதிக்கப்பட்ட நகரங்களில் தற்காலிக முகாம்கள் அமைத்து, மக்களை அங்குள்ள பாதுகாப்பான இடங்களுக்கு மாற்றி வைத்துள்ளனர்.

கடுமையான வெள்ளத்தால் சிக்கி இதுவரை 150 பேர் உயிரிழந்துள்ளதாக கூறப்படுகிறது. காணாமல் போனவர்களின் எண்ணிக்கை அதிகமிருப்பதால், உயிரிழப்பு எண்ணிக்கை மேலும் அதிகரிக்கக்கூடும் என்று அதிகாரிகள் அஞ்சுகின்றனர். மழை வெள்ளத்தின் தாக்கம் சுனாமி பேரலைகளின் பாதிப்புகளை ஒப்பிடக்கூடியதாக இருப்பதாகவும், இது ஸ்பெயின் நாட்டின் மிகக் கொடூரமான தேசிய பேரிடராக அறிவிக்கப்பட்டுள்ளதாகவும் அரசாங்கம் தெரிவித்துள்ளது.

ஸ்பெயின் போன்ற நாடுகளில் மழைக்காலங்களில் திடீரென்று ஏற்படும் வெள்ளப் பெருக்கு, சூழல் மாற்றத்தால் இவ்வாறு அதிகரிக்கின்றது. வானிலை மாற்றங்கள் காரணமாக இந்த வகை பெருவெள்ளங்கள் எதிர்காலத்தில் அதிகரிக்கக்கூடும் என்று தகவல்கள் வெளிப்படுத்துகின்றன. 

அந்நாட்டு மக்களும், அரசு நிறுவனங்களும் மீட்பு மற்றும் மீள்குடியேற்ற பணிகளில் தீவிரமாக ஈடுபட்டு வருகின்றனர்.