தெற்கு இங்கிலாந்தில் உள்ள பண்டைய ஸ்டோன்ஹெஞ்ச் நினைவுச்சின்னத்தின் மீது ஆரஞ்சு வண்ணத்தை தெளித்த இரண்டு காலநிலை இயற்கை ஆர்வலர்கள் கைது செய்யப்பட்டனர்.

ஜஸ்ட் ஸ்டாப் ஆயில் என்ற கொள்கையை கொண்ட போராட்ட காரர்களின் சமீபத்திய செயல், இங்கிலாந்து பிரதமர் ரிஷி சுனக் இழிவுபடுத்தும் அவமானகரமான செயல் என்று கண்டனம் தெரிவித்தார். இங்கிலாந்தில் அடுத்த மாதம் நடைபெறவுள்ள தேர்தலில் அவரது முக்கிய எதிரியான தொழிற்கட்சித் தலைவர் கெய்ர் ஸ்டார்மர், அந்த போராட்ட  குழுவை பரிதாபமானது என்று கூறினார்.

சுமார் 4,500 ஆண்டுகள் பழமையான கல் வட்டத்தில் கோடைகால சங்கிராந்தியைக் கொண்டாட ஆயிரக்கணக்கானோர் கூடுவார்கள் என்று எதிர்பார்க்கப்படுவதற்கு ஒரு நாள் முன்பு இந்த சம்பவம் நிகழ்ந்தது.

இந்த தளத்தை நிர்வகிக்கும் ஆங்கில பாரம்பரியம் என்ற அமைப்பு, இது மிகவும் வருத்தமளிக்கிறது என்றும், கியூரேட்டர்கள் சேதம் குறித்து விசாரணை நடத்தி வருவதாகவும் கூறினர். ஜஸ்ட் ஸ்டாப் ஆயில் போராட்ட  குழு இந்த பெயிண்ட் சோள மாவுகளால் ஆனது என்றும் மேலும் அது மழையில் கரைந்துவிடும் என்றும் கூறினார்.

அந்த போராட்ட குழுவில் ஒருவர் 73 வயதான ராஜன் நாயுடு என்பதும், இன்னொருவர் 21 வயதான நியாம் லிஞ்ச் என அடையாளம் கண்டுள்ளனர். உலகின் மிகவும் பிரபலமான வரலாற்றுக்கு முந்தைய நினைவுச்சின்னம் மற்றும் யுனெஸ்கோ உலக பாரம்பரிய தளத்தை சேதப்படுத்தியதாக சந்தேகத்தின் பேரில் இந்த போராட்ட காரர்களை கைது செய்யப்பட்டதாக வில்ட்ஷயர் போலீசார் தெரிவித்தனர்.

ஸ்டோன்ஹெஞ்ச் 5,000 ஆண்டுகளுக்கு முன்பு தொடங்கி சாலிஸ்பரி சமவெளியின் தட்டையான நிலங்களில் கட்டப்பட்டது, தனித்துவமான கல் வட்டம் புதிய கற்காலத்தின் பிற்பகுதியில் கிமு 2,500 இல் அமைக்கப்பட்டது.

ஜஸ்ட் ஸ்டாப் ஆயில் ஐரோப்பா முழுவதும் உள்ள பல சுற்றுச்சூழல் குழுக்களில் ஒன்றாகும். தொழிற்கட்சியின் சமீபத்திய தேர்தல் விஞ்ஞாபனத்திற்கு பதிலளிக்கும் வகையில் தாம் செயற்பட்டதாக அந்த குழு தெரிவித்துள்ளது. வருகின்ற ஜூலை 4ஆம் தேதி நடைபெறும் தேர்தலில் வெற்றி பெற்றால், எண்ணெய் மற்றும் எரிவாயு ஆய்வுக்கான கூடுதல் உரிமங்களை வழங்க மாட்டோம் என்று தொழிற்கட்சி தெரிவித்துள்ளது. ஜஸ்ட் ஸ்டாப் ஆயில் தடையை ஆதரிக்கிறது ஆனால் அது போதாது என்றார்.

நிலக்கரி, எண்ணெய் மற்றும் எரிவாயுவை தொடர்ந்து எரிப்பது மில்லியன் கணக்கானவர்களின் மரணத்தை விளைவிக்கும் என்று போராட்ட குழு ஒரு அறிக்கையில் தெரிவித்துள்ளது.