போரில் ரஷ்யாவை இந்த ஆண்டிற்குள் வீழ்த்துவோம் - ஜெலன்ஸ்கி
Zelensky says we will beat Russia this year in war
போரில் ரஷ்யாவை இந்த ஆண்டிற்குள் வீழ்த்துவோம் என்று உக்ரைன் அதிபர் ஜெலன்ஸ்கி தெரிவித்துள்ளார்.
உக்ரைனுக்கும், ரஷ்யாவுக்கும் இடையே போர் தொடங்கி ஒரு வருடம் நிறைவடைந்துள்ள நிலையில், இதுவரை ரஷ்யா உக்ரைனின் ஐந்தில் ஒரு பகுதி நிலப்பரப்பை ஆக்கிரமித்துள்ளது. இந்நிலையில் தலைநகர் கீவ்வில் ரஷ்யா படையெடுப்பின் ஓராண்டு நிறைவையொட்டி நடத்தப்பட்ட மாநாட்டில் உக்ரைன் அதிபர் ஜெலன்ஸ்கி அறிக்கை ஒன்றை வெளியிட்டுள்ளார்.
அதில், ரஷ்யா நம்மீது படையெடுத்து ஓராண்டாகியும், மனம் தளராமல் உறுதியுடன் நிற்கிறோம். நம்மை ரஷ்யாவால் தோற்கடிக்க முடியவில்லை என்றும், உக்ரைனை கைப்பற்ற நினைக்கும் ரஷ்யாவை இந்த ஆண்டிற்குள் வீழ்த்துவோம் என்று தெரிவித்துள்ளார்.
மேலும் அதற்கான நடவடிக்கைகளை தொடர்ந்து மேற்கொள்வோம் என்று உறுதியுடன் தெரிவித்த அவர், ரஷ்ய படைகள் மீது பதிலடி தாக்குதலை தீவிரப்படுத்துவதற்கு உக்ரைன் வீரர்கள் தயாராகி வருவதாக தெரிவித்துள்ளார்.
English Summary
Zelensky says we will beat Russia this year in war