நடிகர் அர்ஜுன் மகள் - நடிகர் தம்பி ராமையா மகன் நிச்சயதார்த்தம்! குவியும் வாழ்த்துக்கள்!
Actor Umapathy Ramaiah Actress Aishwarya Arjun love marriage info
நடிகர் அர்ஜுனுக்கு இரண்டு மகள்கள் உள்ளனர். இதில் மூத்த மகள் ஐஸ்வர்யா, நடிகர் விஷாலுக்கு ஜோடியாக பட்டத்து யானை என்ற திரைப்படத்தின் மூலம் தமிழ் திரையுலகில் கால் பதித்தார்.
தொடர்ந்து சொல்லிவிடவா என்ற படத்திலும், கன்னட படம் ஒன்றிலும் அவர் நடித்த அவருக்கு போதிய வாய்ப்பு கிடைக்கவில்லை.
இந்த நிலையில், நடிகை ஐஸ்வர்யாவுக்கும், நடிகர் தம்பி ராமையாவின் மகன் உமாபதிக்கும் விரைவில் திருமணம் நடக்க உள்ளதாக தகவல் வெளியாகியுள்ளது.
தம்பி ராமையாவின் மகன் உமாபதியும் தமிழில் தண்ணி வண்டி, மணியார் குடும்பம் உள்ளிட்ட படங்களில் நடித்துள்ளார்.
தொடர்ந்து நடிகர் அர்ஜுன் தான் தொகுத்து வழங்கிய ‘சர்வைவர்’ என்ற தொலைக்காட்சி நிகழ்ச்சி ஒன்றில் உமாபதி கலந்து கொண்டார்.
இந்த நிகழ்ச்சியின் போது நடிகர் அர்ஜுன் குடும்பத்துடன் தம்பி ராமையா குடுத்திற்கு நட்பு ஏற்பட்டு உள்ளது. அதுமுதல் உமாபதி, ஐஸ்வர்யா இருவரும் காதலிக்கத் தொடங்கியதாகவும் சொல்லப்படுகிறது.
இவர்களின் காதலுக்கு இரு வீட்டாரும் பச்சை கொடி காட்டியதாகவும், விரைவில் இருவருக்கும் திருமணம் நடக்க உள்ளதாகவும் கோலிவுட் வட்டாரத்தில் பேச்சு அடிபட்ட நிலையில், நேற்று ஐஸ்வர்யா- உமாபதி நிச்சயதார்த்தம் சிம்ப்பிளாக நடந்து முடிந்துள்ளது.
English Summary
Actor Umapathy Ramaiah Actress Aishwarya Arjun love marriage info