வெளியானது 'அடங்காத அசுரன்' வீடியோ பாடல்!
Adangatha Asuran video song released
நடிகர் தனுஷின் 50வது திரைப்படமான ராயன் படத்தை, அவரே இயக்கி நடித்தார். 50வது படம் என்பதால் பெரும் எதிர்ப்பார்ப்புடன் ரசிகர்கள் காத்திருந்த நிலையில், 25வது படம் வேலையில்லா பட்டதாரி எப்படி அமைந்ததோ, அதே போல் தற்போது 50வது படம் ராயன் மாபெரும் அளவில் வெற்றியை தேடி கொடுத்துள்ளது.
இந்த படம் கடந்த 26-ம் தேதி திரையரங்குகளில் வெளியானது.ஏ.ஆர்.ரகுமான் இசையமைத்திருந்த இந்த படத்தில் தனுஷுக்கு தம்பிகளாக காளிதாஸ் ஜெயராம், சந்தீப் கிஷனும், தங்கையாக துஷாரா விஜயனும் நடித்திருந்தனர். எஸ்.ஜே. சூர்யா இதில் வில்லனாக நடித்துள்ளார்.
வடசென்னையில் தன் தம்பிகள் மற்றும் தங்கையுடன் வாழ்ந்து வரும் ராயன் எதிர்கொள்ளும் பிரச்சினைகளும் திருப்பங்களுமாக உருவான இப்படம் ரசிகர்களிடம் கலவையான விமர்சனங்களை பெற்று வருகிறது. இருப்பினும் துஷாரா விஜயனின் 'துர்கா' கதாபாத்திரத்துக்கு மிகப்பெரிய வரவேற்பு கிடைத்து வருகிறது.
இந்த நிலையில், ராயன் திரைப்படம் இதுவரை உலகளவில் ரூ. 155 கோடி வரை வசூல் செய்துள்ளதாக தகவல் வெளியாகியுள்ளது. இந்நிலையில் இப்படத்தில் உள்ள அடங்காத அசுரன் பாடல் இன்று வெளியிடப்பட்ட நிலையில், தற்போது இந்த பாடல் வைரலாகி வருகிறது.
English Summary
Adangatha Asuran video song released