ஆர்.ரவிகுமார் இயக்கத்தில் சிவகார்த்திகேயன் நடிப்பில் தயாராகி வரும் திரைப்படம் 'அயலான்'. இந்தப் படத்தில் ஏ.ஆர் ரகுமான் இசையில், ரகுல் பிரீத் சிங், யோகி பாபு, கருணாகரன் உள்ளிட்ட பலர் முக்கிய கதாபாத்திரத்தில் நடித்துள்ளனர். இந்தப் படத்தை 24 ஏ.எம். ஸ்டுடியோஸ் மற்றும் கே.ஜே.ஆர். ஸ்டுடியோஸ் நிறுவனம் இணைந்து தயாரித்துள்ளது.

அதிக பொருட்செலவில் உருவாக்கப்படும் இந்த படத்திலிருந்து 'வேற லெவல் சகோ' என்ற பாடல் கடந்த 2021ம் ஆண்டு வெளியாகியிருந்தது. படம் தொடங்கப்பட்டு கிட்டத்தட்ட ஆறு ஆண்டுகளாகியும் படம் குறித்த எந்த அப்டேட்டும் வெளியாகாததால் ஒருவேளை படம் கைவிடப்பட்டதா? என்று ரசிகர்களிடையே கேள்வி எழுந்தது.

அந்த கேள்விகளுக்கு பதிலளிக்கும் விதமாக கடந்த சில மாதங்களுக்கு முன்பு இந்தப் படத்தின் தயாரிப்பு நிறுவனமான கே.ஜே.ஆர் ஸ்டுடியோஸ் அயலான் படம் அடுத்த ஆண்டு ஜனவரி மாதம் 12-ந் தேதி வெளியாகும் என்று அறிவித்திருந்தது. இதையடுத்து சமீபத்தில் இந்த படத்தின் டீசர் வெளியாகி ரசிகர்களின் கவனத்தை ஈர்த்தது.

இந்த நிலையில் முதல் பாடல் வெளியாகி இரண்டு ஆண்டுகளுக்கு பிறகு இந்த படத்தின் இரண்டாம் பாடல் குறித்த அறிவிப்பு வெளியாகி உள்ளது. 'அயலா அயலா' எனத் தொடங்கும் அந்த பாடல் வரும் 20ம் தேதி வெளியாகும் என்று படக்குழு அறிவித்துள்ளது.