வைரலாகும் வெங்கட் பிரபுவின் ட்வீட் - என்ன தெரியுமா?
director venkat prabhu tweet viral
வெங்கட் பிரபு இயக்கத்தில், விஜய் நடிப்பில் உருவாகி வரும் திரைப்படம் 'தி கிரேட்டஸ்ட் ஆப் ஆல் டைம்' (கோட்). இந்தப் படத்தில் பிரசாந்த், மோகன், பிரபுதேவா, ஜெயராம், கணேஷ், யோகிபாபு, அஜ்மல் அமீர், சினேகா, லைலா, மீனாட்சி சவுத்ரி உள்ளிட்ட பலர் நடிக்கின்றனர். ஏஜிஎஸ் என்டர்டெயின்மெண்ட் நிறுவனம் தயாரிக்கும் இந்த படத்துக்கு யுவன் சங்கர் ராஜா இசையமைக்கிறார்.
இந்த படத்தில் நடிகர் விஜய் இரண்டு வேடங்களில் நடிக்கிறார். அதுமட்டுமல்லாமல், மறைந்த நடிகர் விஜயகாந்த் மற்றும் பாடகி பவதாரணி குரலையும் ஏ.ஐ. தொழில்நுட்பத்தில் படக்குழுவினர் கொண்டு வந்துள்ளனர்.
இந்த நிலையில், இயக்குனர் வெங்கட் பிரபு தனது எக்ஸ் பக்கத்தில் பகிர்ந்த பதிவு ஒன்று தற்போது வைரலாகி வருகிறது. அதாவது, 'உங்கள் ஆசைகள் அனைத்தும் நிறைவேறும்' என்று பதிவிட்டுள்ளார். இதனை பார்த்த ரசிகர்கள் இது என்னவாக இருக்கும்? எதற்காக இப்படி பதிவிட்டுள்ளார்? என்று கேள்வி எழுப்பி வருகின்றனர்.
English Summary
director venkat prabhu tweet viral