முதல் 10 நிமிடங்கள் விஷுவல் ட்ரீட்! ரசிகர்களுக்கு வேண்டுகோள் விடுத்த லோகேஷ் கனகராஜ்!

லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள திரைப்படம் லியோ. இந்த படத்தில் திரிஷா, அர்ஜுன், கௌதம் மேனன், மிஷ்கின், சஞ்சய் தத் உள்ள பல பிரபலங்கள் நடித்துள்ளனர்.

இதனால் இந்த படத்தின் மீதான எதிர்பார்ப்பு ரசிகர்களிடையே அதிகரித்துள்ளது. வருகின்ற 19 ஆம் தேதி இந்த படம் திரையரங்குகளில் வெளியாக உள்ளது.

படத்தின் டிரைலர் கடந்த வாரம் வெளியாகி பெரும் வரவேற்பை பெற்ற நிலையில் விஜய் பேசி இருந்த தகாத வார்த்தை சர்ச்சையை ஏற்படுத்தியது. தற்போது ட்ரெய்லரின் அந்த வார்த்தை மியூட் செய்யப்பட்டுள்ளது குறிப்பிடத்தக்கது.

சமீபத்தில் லோகேஷ் கனகராஜ் நேர்காணல் ஒன்றில், ''திரையரங்குகளுக்கு ரசிகர்கள் முன்கூட்டியே வந்து விடுங்கள் முதல் 10 நிமிடங்கள் விஷுவல் ட்ரீட்டாக இருக்கும்.

இதற்காகத்தான் ஆயிரத்திற்கும் மேற்பட்ட நபர்கள் உழைத்திருக்கிறோம். கடந்த அக்டோபர் முதல் இந்த அக்டோபர் வரை அதற்காகத்தான் உழைத்து வருகிறோம்'' என தெரிவித்துள்ளார்.

இது குறித்து ரசிகர்கள் கழுதைப்புலி கிராபிக்ஸ் காட்சிகளாக இருக்குமா என பல்வேறு கருத்துகளை தெரிவித்து வருகின்றனர்.