தமிழ் சினிமாவில் பிரபல இசையமைப்பாளர், நடிகர், பாடலாசிரியர் என பன்முகத் திறமை கொண்டவர் ஹிப் ஹாப் தமிழா ஆதி. இந்த நிலையில் தற்போது இவர் மரகத நாணயம் திரைப்படத்தின் இயக்குனர் ஏஆர்கே சரவணன் இயக்கத்தில் வீரன் என்னும் திரைப்படத்தில் நடித்த வருகிறார். 

இந்த படத்தை சத்ய ஜோதி பிலிம்ஸ் தயாரிக்கிறது. மேலும், இந்த ஹிப் ஹாப் தமிழா ஆதியே இசையும் அமைக்கிறார். தற்போது இந்த படத்தின் படப்பிடிப்பு முடிவடைந்த நிலையில் போஸ்ட் புரொடக்சன் பணிகள் விறுவிறுப்பாக நடைபெற்று வருகிறது.

வித்தியாசமான கதைக்களம் கொண்ட இந்த படத்தின் போஸ்டர் ரசிகர்களிடையே பெரும் எதிர்பார்ப்பை ஏற்படுத்தியது. இதனிடையே வீரன் வரும் ஜூன் 2ம் தேதி வெளியாகும் என படக்குழு அறிவித்துள்ளது.

இந்த நிலையில் வீரன் படத்தின் ட்ரெய்லரை படக்குழு வெளியிட்டுள்ளது. இந்த படத்தில் ஹிப்ஹாப் ஆதி சூப்பர் ஹீரோவாக நடித்துள்ளதாக காட்சிகள் வெளியாகி உள்ளது. மேலும் காமெடி, ஆக்சன் மற்றும் செண்டிமெண்ட் என அனைத்தும் கலந்த கலவையாக இருக்கும் என எதிர்பார்க்கப்படுகிறது.