பிரபல ஹாலிவுட் நடிகர் நோவா ஷ்னாப் தனது நெருங்கிய நபர்களுடன் கிளப்பில் மது அருந்தியதால் சிக்கலில் சிக்கியதாக கூறப்படுகிறது. ஸ்ட்ரேஞ்சர் திங்ஸ் எனும் ஹாலிவுட் வெப் சீரிஸ் இல் தனது நடிப்பிற்காக மிகவும் பிரபலமான நடிகர் நோவா ஷ்னாப்.

அவர் சம்பவத்தன்று நியூயார்க் நகரில் உள்ள ஒரு கிளப்பில் இருந்ததாகக் கூறப்படுகிறது, மேலும் அவர் அதிக மது பானங்களை அருந்திய பிறகு அங்குள்ளவர்களிடம் வாக்குவாதத்தில் ஈடுபட்டார். 19 வயதான நோவா, தன்னுடன் கிளப் செல்வோரையும் கட்டாயப்படுத்தி குடிக்கச் செய்தார், ஆனால் அவரது நண்பர்கள் வயது குறைந்தவர் என்பதால் அவர்கள் மறுத்துவிட்டனர்.

நோவா ஷ்னாப் கிளப்பில் உள்ள சக விருந்தினர்களை அவருடனும் அவரது நண்பர்களுடன்  மது பானங்களை அருந்துமாறு வம்பு செய்ததாக கூறினர். வயதின் காரணமாக அவர்கள் குடிக்க மறுத்ததால், நோவா ஷ்னாப்  கோபம் அடைந்ததாகக் கூறப்படுகிறது.

அவர் அங்கிருந்தவர்களிடம் ஆக்ரோஷமாக சண்டையிட்டதற்காக  நடிகர் கிளப்பில் இருந்து பாதுகாப்பு அதிகாரிகளால் அதிகாலை 1:30 மணிக்கு வெளியே தள்ளப்பட்டார். அந்த நடிகருக்கு போதை தலைக்கு ஏறியதில் தெளிவாக நிற்க முடியவில்லை என்று அங்குள்ளவர்கள் தகவல் தெரிவித்தனர்.

நோவா ஷ்னாப் கடந்த ஆண்டு, சமூக வலைத்தளத்தில் பாலஸ்தீனியர்களை கேலி செய்யும் ஒரு இடுகையை லைக் செய்ததாக சமூக ஊடக பயனர்கள் குற்றம் சாட்டியதை அடுத்து அவர் பின்னடைவை எதிர்கொண்டார். இதன் காரணமாக, ஸ்ட்ரேஞ்சர் திங்ஸின் ஐந்தாவது மற்றும் இறுதி சீசனைப் புறக்கணிக்க வேண்டும் அல்லது வில் பையர்ஸ் பாத்திரத்தில் இருந்து ஷ்னாப்பை நீக்க வேண்டும் என்ற எதிப்புக்கள் வந்தன.

பிறகு மன்னிப்பு கேட்டு சமூக வலைத்தளத்தில் நோவா ஷ்னாப் வீடியோ ஒன்றை பகிர்ந்து கொண்டார், "இந்த மோதலால் பாதிக்கப்பட்ட அனைத்து அப்பாவி மக்களுக்கும் அமைதி மற்றும் பாதுகாப்பை மட்டுமே நான் விரும்புகிறேன்" என்று கூறினார்.