சிறந்த நடிகருக்கான விருதை நிராகரித்த கிச்சா சுதீப்!
kichcha sudeep State Award
கன்னடத் திரையுலகின் முன்னணி நடிகரான கிச்சா சுதீப், கர்நாடக அரசு வழங்கும் சிறந்த நடிகருக்கான விருதை நிராகரித்துள்ளார்.
இது குறித்து அரசுக்கும், தேர்வு குழுவுக்கும் அவர் கடிதம் எழுதியுள்ளார். அதில், "மாநில விருதைப் பெறுவது பாக்கியம். நடுவர் மன்றத்திற்கு நன்றி.
இருப்பினும், பல ஆண்டுகளாக விருதுகளைப் பெறுவதை நான் நிறுத்திவிட்டேன். தனிப்பட்ட காரணங்களுக்காக இந்த முடிவு எடுக்கப்பட்டது.
தகுதியான நடிகர்கள் பலர் உள்ளனர்; அவர்களில் ஒருவர் விருதைப் பெறுவது எனக்கு மகிழ்ச்சி. மக்களை மகிழ்விப்பதே என் நோக்கம்; விருதுகளை எதிர்பார்ப்பதில்லை. நடுவர் மன்றத்தின் அங்கீகாரம் போதும்.
என்னை தேர்ந்தெடுத்ததற்கு நன்றி. எனது முடிவுக்கான ஏமாற்றத்திற்கு மன்னிக்கவும். என் முடிவை மதிப்பீர்கள் என நம்புகிறேன். மீண்டும் நன்றி," எனக் குறிப்பிட்டுள்ளார்.
மேலும், சுதீப் தனது கடிதத்தில், தகுதியான மற்ற நடிகர்களுக்கு வாய்ப்பளிக்க விரும்புகிறேன் என்றும், மக்களின் அன்பே தனக்குப் பெரிய விருது என்றும் குறிப்பிட்டுள்ளார்.
English Summary
kichcha sudeep State Award