லியோ படத்தின் ரிலீஸ் தேதி மாற்றம்?
Leo movie release date change
விஜய் நடித்துள்ள 'லியோ' படம் ஒரு நாள் முன்னதாகவே வெளியாகலாம் என தகவல் தெரிவிக்கப்பட்டுள்ளது.
லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள படம் 'லியோ'. இந்த திரைப்படம் ரசிகர்கள் மத்தியில் மிகப்பெரிய அளவில் எதிர்பார்ப்பை ஏற்படுத்தி உள்ளது.
இந்த படத்தில் திரிஷா, சஞ்சய் தத், அர்ஜுன், கௌதம் மேனன் உள்ளிட்ட பல பிரபலங்கள் நடித்துள்ளனர். அனிருத் இசை அமைத்துள்ள இந்த திரைப்படத்தை செவன் ஸ்கிரீன் ஸ்டுடியோ நிறுவனம் தயாரித்துள்ளது.
இந்த திரைப்படம் வருகின்ற 19ஆம் தேதி வெளியாகும் என அறிவிக்கப்பட்டு, படத்திலிருந்து 2 பாடல்கள் வெளியாகி ரசிகர்களிடையே நல்ல வரவேற்பை பெற்றுள்ள நிலையில் கடந்த 5 ஆம் தேதி வெளியான படத்தின் டிரைலருக்கும் நல்ல வரவேற்பு கிடைத்துள்ளது.
இதுவரை லியோ ட்ரைலர் 37 மில்லியன் பார்வையாளர்களை கடந்து ட்ரெண்டிங்கில் உள்ளது. இந்நிலையில் படத்தின் சிறப்பு காட்சிகளுக்கு அரசு தரப்பில் இருந்து இதுவரை எந்த அனுமதியும் கிடைக்கவில்லை என தெரிவிக்கப்படுகிறது.
இதனால் படத்தை ஒரு நாள் முன்னதாக அதாவது அக்டோபர் 18 ஆம் தேதி திரைக்கு வரும் என பட குழு முடிவு செய்திருப்பதாக தகவல் வெளியாகியுள்ளது.
English Summary
Leo movie release date change