மில்லியன் பார்வையாளர்களை கடந்து ரஜினியை பின்னுக்கு தள்ளிய 'லியோ' டிரைலர்!
Leo movie update
லோகேஷ் கனகராஜ் இயக்கத்தில் விஜய் நடிப்பில் உருவான திரைப்படம் 'லியோ'. இந்த திரைப்படத்தில் அர்ஜுன், சஞ்சய் தத், த்ரிஷா, பிரியா ஆனந்த், மன்சூர் அலிகான், கௌதம் வாசுதேவ் மேனன் உள்ளிட்ட பலர் நடித்துள்ளனர்.
செவன் ஸ்கிரீன் ஸ்டூடியோஸ் சார்பில் லலித் குமார் தயாரித்துள்ள இந்த படத்திற்கு அனிருத் இசையமைத்துள்ளார். இந்த திரைப்படம் அக்டோபர் மாதம் 19ஆம் தேதி வெளியாகவுள்ளது.
இந்த படத்திற்கு தணிக்கை குழு யு/ஏ சான்றிதழ் வழங்கியுள்ளது. இந்த படத்தின் டிரைலர் நேற்று வெளியான நிலையில் ரசிகர்களை கவர்ந்து சில மணி நேரங்களில் 31 மில்லியன் பார்வையாளர்களை கடந்துள்ளது.
இதே, நெல்சன் இயக்கத்தில் ரஜினி நடிப்பில் வெளியான திரைப்படம் 'ஜெயிலர்'. இந்த திரைப்படத்தின் டிரைலர் வெளியாகி 2 மாதங்களுக்கு பிறகு தான் 30 மில்லியன் பார்வையாளர்களை எட்டியுள்ளது.
ரசிகர்கள் மத்தியில் 'லியோ' படத்தின் டிரைலர் வைரலாகி வருகிறது என்பது குறிப்பிடத்தக்கது.