தனுஷின் ‘நானே வருவேன்' படத்தின் ‘வீரா சூரா’ பாடல் வெளியீடு!

இயக்குனர் செல்வராகவன் இயக்கத்தில், தனுஷ் நடிப்பில் உருவாகியுள்ள ‘நானே வருவேன்’ திரைப்படத்தின் முதல் பாடலான ‘வீரா சூரா’ பாடல் வெளியாகியுள்ளது. இப்படத்திற்கு யுவன் சங்கர் ராஜா இசையமைத்துள்ளார்.

கலைப்புலி பிலிம் இன்டர்நேசனல் வி கிரியேஷன்ஸ் தயாரிப்பில், இயக்குனர் செல்வராகவன் இயக்கத்தில் உருவாகிவரும் 'நானே வருவேன்' படத்தில் தனுஷ் நாயகனாக நடித்துள்ளார். மேலும், இப்படத்திற்கு யுவன் சங்கர் ராஜா இசையமைத்துள்ளார்.

நீண்ட இடைவேளைக்கு பிறகு இயக்குநர் செல்வராகவன் இயக்கத்தில் நடிகர் தனுஷ் நடிப்பதால் ரசிகர்களிடையே 'நானே வருவேன்' படத்தின் மீதான எதிர்பார்ப்பு அதிகரித்துள்ளது.

மேலும், இப்படத்தின் இறுதி கட்டப் பணிகள் விறுவிறுப்பாக நடைபெற்று வருகிறது. இப்படத்தின் டிரைலர் வரும் செப்டம்பர் 11-ஆம் தேதி வெளியாக உள்ளது. இதனை தொடர்ந்து, இப்படம் வரும் செப்டம்பர் 30-ஆம் தேதி திரையரங்குகளில் வெளியாக உள்ளது.

இந்த நிலையில், 'நானே வருவேன்' படத்தின் முதல் பாடலான ‘வீரா சூரா’ பாடல் வெளியாகி உள்ளது. யுவன் சங்கர் ராஜா இசையில் உருவான இப்பாடலின் வரிகளும் பின்னணி இசையும் ரசிகர்களை கவர்கின்றன.