பரியேறும் பெருமாள் "கருப்பி" நாய் உயிரிழப்பு!...பட்டாசு வெடித்ததால் அரங்கேறிய சோகம்?
Pariyerum perumal karuppi dog died the tragedy that took place due to the explosion of fireworks
இயக்குநர் மாரி செல்வராஜ் இயக்கத்தில் வெளியான பரியேறும் பெருமாள் திரைப்படத்தில் கருப்பி என்ற பெயர் கொண்ட சிப்பிப் பாறை வகை இனத்தை சேர்ந்த நாயை நடிக்க வைத்து கருத்துகளை வெளிப்படுத்தியிருந்தார்.
அந்த படத்தில் கருப்பி நாய் உயிரிழந்த பிறகு அதற்கென அடி கருப்பி.. அடி கருப்பி..என்று தனி ஒப்பாரி பாடல் அமைக்கப்பட்டு பொது மக்கள் வாழ்வியலை காட்சிப்படுத்தி இருந்தார். இது ரசிகர்களிடையே பெரும் கவனத்தை ஈர்த்தது.
இந்த நிலையில் பரியேறும் பெருமாள் படத்தில் நடித்த கருப்பி நாய் தீபாவளி நாளில் பட்டாசு வெடித்த சத்தம் கேட்டு, சாலையில் ஓடியதாக கூறப்படுகிறது. அப்போது சாலையில் வாகனம் ஒன்று மோதியதில், அந்த நாய் உயிரிழந்தது.
தொடர்ந்து நாயின் உரிமையாளரும், பரியேறும் பெருமாள் படத்தில் நடித்தவருமான விஜயமுத்து நாயின் உடலை நல்லடக்கம் செய்துள்ளார். தற்போது கருப்பி நாயின் மறைவிற்கு சமூக வலைத்தளங்களில் அந்த படத்தில் நடித்தவர்கள் மற்றும் ரசிகர்கள் இரங்கல் தெரிவித்தது வருகின்றனர்.
English Summary
Pariyerum perumal karuppi dog died the tragedy that took place due to the explosion of fireworks