நடிகர் கவின் நடிப்பில் வெளியான பிளடி பெக்கர் படத்தை ப்ளூ சட்டை மாறன் கடுமையாக விமர்சனம் செய்துள்ளார். இது தொடர்பாக அவர் பேசியுள்ளதாவது:- “உழைக்காமல் காசு சம்பாதிக்க ஆசைப்படும் ஹீரோ ஜாலியாக பிச்சை எடுத்து பிழைக்கிறார். இவருக்கு சிறு வயது முதலே ஒரு ஆசை உள்ளது. இவர் பார்த்து வைத்திருக்கும் மாளிகை ஒன்றில் ஒரு நாள் தங்கியிருக்க வேண்டும் என்பது. அப்படி ஒரு நாள் நடக்க அங்கு என்ன நடக்கிறது என்பதுதான் கதை.

ஒரு நல்ல கதை என்றால், படத்தின் மைய கதாபாத்திரம் என்ன நினைக்கிறதோ அதை படம் பார்ப்பவர்களும் நினைக்க வேண்டும். ஹீரோ அழுதால் நமக்கு அழுகை வர வேண்டும். ஹீரோ சிரித்தால் நமக்கு சிரிப்பு வர வேண்டும். இந்த படத்தின் ஹீரோ அந்த பங்களாவில் இருந்து எப்படியாவது தப்பிக்க வேண்டும் என ஆசைப்படுவான். நமக்கும் அதே எண்ணம்தான்.

இது காமெடி படமா?. சீரியஸ் படமா?.. கிரைம் திரில்லர் படமா?. ஹாரர் படமா என யோசித்து பைத்தியம் பிடித்துவிட்டது. பிச்சைக்காரன் வாந்தி எடுத்த மாதிரி ஒரு படத்தை எடுத்து வெச்சிருக்காங்க. அதனால் தான் பிளடி பெக்கர் என தலைப்பு வைத்து அதை குறியீடாக வைத்திருக்கின்றனர். 

தீபாவளிக்கு ஜாலியாக இருக்கும் என இப்படத்திற்கு போனால் மொக்கை மொக்கையாக காமெடி செய்து காட்டு மொக்கையாக ஒரு படத்தை எடுத்து வைத்துள்ளனர். இந்த படத்தை எடுத்தவங்க சரியான பைத்தியம் போல. படம் முடியும் போதுதான் இவர்கள் சரியாகாத பைத்தியம் என்பது நமக்கு புரிகிறது” என கடுமையாக விமர்சித்துள்ளார்.