விமான ஊழியரால் விஜய் பட நடிகைக்கு நடந்த கொடுமை.. பதறிப்போன ரசிகர்கள்.. கடும் கண்டனம்..!!

தனக்கு தனியார் விமான ஊழியர் மிரட்டல் விடுத்ததாக பூஜா ஹெக்டே தெரிவித்துள்ளார்‌.

தென்னிந்திய சினிமா நட்சத்திரங்களில் அதிக சம்பளம் வாங்கும் நடிகை பூஜா ஹெக்டே. இவர் சமீபத்தில் நடிகர் விஜயுடன் பீஸ்ட் திரைப்படத்தில் நடித்திருந்தார். ஆச்சர்யா, ராதே ஷ்யாம் போன்ற படங்களிலும் நடித்துள்ளார்.

தெலுங்கில் ஜனகனமன என்ற திரைப்படத்திலும் நடித்து வருகிறார். மூன்று இந்தி படங்களும் கைவசம் உள்ளன. இந்த நிலையில், இவர் மும்பையில் இருந்து தனியார் விமானம் மூலமாக தெலுங்கானாவில் உள்ள ஹைதராபாத்துக்கு சென்றபோது, விமான ஊழியர் மிரட்டும் தோணியில் பேசியதாக தனது இன்ஸ்டாகிராம் பக்கத்தில் பதிவு செய்துள்ளார். இந்த விஷயம் தொடர்பான அந்த பதிவில், "மும்பையில் இருந்து புறப்படும் தனியார் விமானத்தின் நிலைய ஊழியர் விபுல் நாகாஷா என்பவர் எங்களை மிரட்டினார். இது மிகவும் மோசமானது. அவரின் செயல் கண்டிக்கத்தக்கது" என்று தெரிவித்துள்ளார்.