நடிகர் பிரபாஸ் நடித்துள்ள சலார் படத்தின் டீஸர் வெளியாகியுள்ளது.

தெலுங்கில் வெளியான பாகுபலி திரைப்படத்தின் மூலம் இந்திய ரசிகர்களிடையே முன்னணி நடிகராக பிரபலமானவர். இந்த நிலையில் தற்போது இவர் நாக் அஸ்வின் இயக்கத்தில் 'ப்ராஜெக்ட் கே' என்ற திரைப்படத்திலும் நடித்து வருகிறார்.

மேலும் இவரது கடைசியாக வெளியான ஆதிபுருஷ் திரைப்படம் கடந்த ஜூன் 16ஆம் தேதி திரையரங்குகளில் வெளியாகி வசூல் ரீதியாக 500 கோடிக்கும் மேல் வசூல் செய்து படைத்தது. ஆனால், விமர்சன ரீதியாக கடும் விமர்சனங்களை பெற்றது குறிப்பிடத்தக்கது.

இந்த நிலையில் கேஜிஎஃப் இயக்குனர் பிரசாந்த் நீல் இயக்கத்தில் பிரபாஸ் நடித்துள்ள 'சலார்' என்ற திரைப்படத்தின் டீஸர் வெளியாகியுள்ளது. இந்த திரைப்படமும் கேஜிஎஃப் படத்தின் மிக பிரம்மாண்டமாக இருக்கும் என எதிர்பார்க்கப்படுகிறது.

தற்போது சலார் படத்தின் டீஸர் சமூக வலைதளங்களில் வைரலாகி வருகிறது. மேலும், இந்த திரைப்படம் வரும் செப்டம்பர் 28-ஆம் தேதி வெளியாக உள்ளதாக அறிவிக்கப்பட்டுள்ளது.