மாஸ் காட்ட காத்திருக்கும் புஷ்பா 2 திரைப்படம்...உறுதியானது ரிலீஸ் தேதி!

அல்லு அர்ஜுன் நடிப்பில் கடந்த 2021-ம் ஆண்டு வெளியான புஷ்பா தி ரைஸ் படத்தில், நடிகை ராஷ்மிகா மந்தனா, நடிகர்கள் சுனில், பகத் பாசில் உள்ளிட்ட பலர் நடித்திருந்தனர். மேலும் மைத்ரி மூவி மேக்கர்ஸ் நிறுவனம் தயாரித்த இந்த படத்திற்கு, தேவி ஸ்ரீ பிரசாத் இசையமைத்திருந்தார்.

இந்த படம் அனைத்து மொழி ரசிகர்களிடமும் நல்ல வரவேற்பை பெற்று ரூ.400 கோடி வசூல் செய்து சாதனை படைத்தது. இதனைத் தொடர்ந்து 'புஷ்பா 2 தி ரூல்' என்ற தலைப்பில் புஷ்பா படத்தின் இரண்டாம் பாகம் தற்போது உருவாகி வருகிறது.

சமீபத்தில் இந்த படத்தின் டீசரும் அதனைத் தொடர்ந்து படத்தின் 'புஷ்பா புஷ்பா' என்ற முதல் பாடலின் வீடியோவும் வெளியாகி வைரலானது. இந்த படம் ஆகஸ்ட் 15-ம் தேதி வெளியாகும் என்று அறிவிக்கப்பட்டிருந்த நிலையில்,படப்பிடிப்பில் சில தாமதங்கள் ஏற்பட்டதால் படத்தின் ரிலீஸ் தேதி தள்ளிப்போனது.

பின்னர் இந்த படத்தின் ரிலீஸ் தேதியில் மாற்றங்கள் இருப்பதாக சமூக வலைதளங்களில் தகவல் பரவின. இந்நிலையில், சமீபத்தில் நடைபெற்ற விழா ஒன்றில் நடிகர் அல்லு அர்ஜுன் மற்றும் இயக்குனர் சுகுமார் கலந்து கொண்டனர். அப்போது புஷ்பா 2' டிசம்பர் 6-ந் தேதி வெளியிடப்படும் என்பதை உறுதிசெய்தனர்.