நடிகர் விஜய் நடிப்பில் லோகேஷ் கனகராஜ் இயக்கத்தில் உருவாகியிருக்கும் திரைப்படம் லியோ. இந்த திரைப்படமானது வருகின்ற அக்டோபர் 19ஆம் தேதி வெளியாகும் என அறிவிக்கப்பட்டுளள்து. 

மிக அதிக வசூலை செய்த படம் என் போன்ற வரலாற்றை படைக்கும் என்ற எதிர்பார்ப்புடன் இந்த படமானது வெளியாக இருக்கிறது. முன்னதாக  ட்ரெய்லர் வெளியீட்டின் போது அதில் பேசப்பட்ட வார்த்தைகள் கடுமையான சர்ச்சைகளை ஏற்படுத்தி இருந்தன. தற்போது தணிக்கை குழுவினால் அந்த வார்த்தைகள் நீக்கப்பட்டு படம் வெளியிடுவதற்கு தயாராகி விட்டது. 

முன்னதாக படத்தின் இசை வெளியிட்டு விழா நடத்துவதற்கு பல்வேறு தடங்கல்கள் ஏற்பட்டதாகவும், அதற்கு அரசியல் காரணங்கள் இருப்பதாகவும் பரபரப்பாக பேசப்பட்டது. திடீரென இசை வெளியீட்டு விழாவும் ரத்து செய்யப்பட்டது. 

இந்த நிலையில் இப்படத்திற்கு சிறப்பு காட்சி கேட்டு கோரிக்கை வைத்திருந்த நிலையில், தமிழக அரசின் தரப்பில் படத்திற்கான சிறப்பு காட்சிகள் அனுமதி அளிக்கப்பட்டிருக்கிறது. 

அதன்படி படம் வெளியாகும் அக்டோபர் 19ஆம் தேதி காலை 4 மணி மற்றும் காலை 7 மணி ஆகிய இரண்டு சிறப்பு காட்சிகளுக்கும், 20 ஆம் தேதி முதல் 24ஆம் தேதி வரை காலை 7 மணி சிறப்பு காட்சிக்கும் அனுமதிய அளித்து தமிழ்நாடு அரசு உத்தரவிட்டிருக்கிறது. 

இதன் மூலம் நடிகர் விஜய் ரசிகர்களுக்கு அதிக அளவில் சென்று பார்க்கும் வாய்ப்பு அமைந்திருக்கிறது. மேலும் இது அதிக அளவில் வசூலையும் கொடுக்கவும் வாய்ப்பு இருக்கிறது.