பெங்களூரு உள்ளிட்ட 16 மாவட்டங்களில் கனமழை! வானிலை ஆய்வு மையம் எச்சரிக்கை.!
Bengaluru heavy rain warning
கர்நாடகா, பெங்களூருவில் கடந்த ஏப்ரல் மாதம் தொடக்கத்தில் கடும் வெயில் வாட்டி வதைத்த நிலையில் கர்நாடகத்தில் தென்மேற்கு பருவமழை ஜூன் மாதம் தொடங்கும் என வானிலை ஆய்வு மையம் தெரிவித்திருந்தது.
அதன்படி நேற்று முதல் பெங்களூர் உள்பட பல்வேறு மாவட்டங்களில் மழை பெய்தது. இன்று இரண்டாவது நாளாக பெங்களூரு ஹாசன் உள்ளிட்ட 16 மாவட்டங்களில் கனமழைக்கு வாய்ப்புள்ளதாக வானிலை ஆய்வு மையம் அறிவித்துள்ளது.
பெங்களூரு ஊரக மாவட்டத்திலும் பல்வேறு இடங்களில் பருவ மழை பெய்து வருகிறது. தொடர் மழையால் வாகன ஓட்டிகள் அவதி அடைகின்றனர்.
பெங்களூரு நகரின் பல்வேறு பகுதிகளில் 32 மரங்கள் வேரோடு சாய்ந்ததால் அதனை அகற்றும் பணிகள் தீவிரமாக நடைபெற்று வருகிறது.
தாழ்வான பகுதிகளில் வெள்ள நீர் புகுமா என்ற அச்சத்தில் மக்கள் உள்ளனர். கடலோர மற்றும் மலைப்பகுதிகளில் ஆறு மாவட்டங்களில் பருவ மழை பேரிடர்களை தடுக்க வருவாய்த் துறையின் பேரிடர் மீட்பு குழுவினர் தயார் நிலையில் உள்ளனர்.
English Summary
Bengaluru heavy rain warning