மத்திய கல்வித்துறை அமைச்சகத்தின் கீழ் செயல்பட்டு வரும் தேசிய கல்வி நிறுவன தரவரிசை கட்டமைப்பு இந்தியாவில் உள்ள பல்கலைக்கழகங்கள், பொறியியல் கல்லூரிகள், நிர்வாகக் கல்வி நிறுவனங்கள், கல்லூரிகள் ஆகியவற்றின் தர வரிசை ஆண்டுதோறும் வெளியிட்டு வருகிறது. அதன்படி 2023ம் ஆண்டுக்கான தர வரிசைப் பட்டியல் வெளியிடப்பட்டுள்ளது.

அதன்படி, பொறியில் கல்லூரிகளில் சென்னை ஐஐடி முதலிடம் பிடித்துள்ளது. அதனை தொடர்ந்து 2ம் இடத்தை டெல்லி ஐஐடி, 3ம் இடத்தை பாம்பே ஐஐடி, 4ம் இடத்திற்கு கான்பூர் ஐஐடி, 5ம் இடம ரூர்கீ ஐஐடி, 6ம் இடம் காரக்பூர் ஐஐடி, 7ம் இடம் கவுஹாத்தி ஐஐடி, 8ம் இடம் ஹைதராபாத் ஐஐடி, 9ம் இடம் திருச்சி என்ஐடி, 10ம் இடத்தை கொல்கத்தாவில் உள்ள ஜாதவ்பூர் பல்கலைக்கழகம் பிடித்துள்ளன.

பல்கலைக்கழக தர வரிசையில் பெங்களூருவில் உள்ள இண்டியன் இன்ஸ்டிடியூட் ஆஃப் சையின்ஸ் முதலிடத்தைப் பிடித்துள்ளது. அதனைத் தொடர்ந்து 2ம் இடம் டெல்லியில் உள்ள ஜவஹர்லால் நேரு பல்கலைக்கழகம், 3ம் இடம் டெல்லி ஜாமியா மில்லியா இஸ்லாமியா பல்கலைக்கழகம், 4ம் இடம் கொல்கத்தா ஜாதவ்பூர் பல்கலைக்கழகம், 5ம் இடம் வாரணாசி பனாரஸ் இந்து பல்கலைக்கழகம் பிடித்துள்ளன. மணிபாலில் உள்ள மணிபால் அகாடமி ஆஃப் ஹையர் எஜூகேஷன், கோவையில் உள்ள அம்ரிதா இன்ஸ்ட்டிடியூட் ஆஃப் டெக்னாலஜி, வேலூரில் உள்ள விஐடி, அலிகரில் உள்ள அலிகர் முஸ்லிம் பல்கலைக்கழகம், ஹைதராபாத்தில் உள்ள ஹைதராபாத் பல்கலைக்கழகம் ஆகியவை அடுத்தடுத்த 10 இடங்கள் பிடித்துள்ளன.

நிர்வாகக் கல்வி வழங்கும் நிறுவனங்களுக்கான தரவரிசைப் பட்டியலில், அகமதாபாத் ஐஐஎம் முதலிடம் பிடித்துள்ளது. 2ம் இடம் பெங்களூரு ஐஐஎம், 3ம் இடம் கோழிக்கோடு ஐஐஎம், 4ம் இடம் கொல்கத்தா ஐஐஎம், 5ம் இடம்டெல்லி ஐஐடி, 6ம் இடம் லக்னோ ஐஐஎம், 7ம் இடம் மும்பை என்ஐடிஇ, 8ம் இடம் இந்தூர் ஐஐஎம், 9ம் இடம் சேவியர் லேபர் ரிலேஷன்ஸ் இன்ஸ்டிடியூட், 10ம் இடம் மும்பை ஐஐடி பிடித்துள்ளன.

கல்லூரிகளுக்கான தர வரிசைப்பட்டியலில் டெல்லியில் உள்ள மிராண்டா ஹவுஸ் கல்லூரி முதலிடம் பிடித்துள்ளது. 2ம் இடம் டெல்லி இந்து கல்லூரி, 3ம் இடம் சென்னை பிரசிடென்சி கல்லூரி, 4ம் இடம் கோவையில் பிஎஸ்ஜிஆர் கல்லூரி, 5ம் இடம் கொல்கத்தா செயிண்ட் சேவியர் கல்லூரி, 6ம் இடம் புதுடெல்லி ஆத்ம ராம் சனாதர் தர்ம கல்லூரி, 7ம் இடம் சென்னை லயோலா கல்லூரி, 8ம் இடம் ஹவுரா ராமகிருஷ்ணா மிஷன் வித்யாமந்திர், 9ம் இடம் டெல்லி லேடி ஸ்ரீராம் கல்லூரி, 10ம் இடம் டெல்லி கிரோரி மால் கல்லூரி பிடித்துள்ளன.