சூடுபிடிக்கும் ஜார்க்கண்ட் சட்டசபை தேர்தல்: ராஞ்சியில் பிரதமர் மோடி இன்று வாகனப் பேரணி!
Jharkhand assembly election heating up Prime Minister Modi vehicle rally in Ranchi today
ஜார்க்கண்ட் மாநில சட்டசபை தேர்தலின் முதல் கட்ட வாக்குப்பதிவுக்கான பிரசாரம் இன்று நிறைவடைய உள்ள நிலையில், மாநிலம் முழுவதும் அரசியல் கட்சிகள் தீவிரமாக பிரசாரத்தில் ஈடுபட்டுள்ளனர். பிரதமர் நரேந்திர மோடி மூன்று முறை ஜார்க்கண்ட் மாநிலத்திற்கு விஜயம் செய்து பல பொதுக்கூட்டங்களில் கலந்து கொண்டு பா.ஜ.க.வின் ஆதரவை பெற முயற்சித்துள்ளார்.
நேற்று, ராஞ்சியில் பிரதமர் மோடி 5 கிலோமீட்டர் நீளத்திற்கான வாகனப் பேரணியில் பங்கேற்றார். இந்த பேரணியில் பிரதமரை வரவேற்க பா.ஜ.க. தொண்டர்கள் உற்சாக வரவேற்பு அளித்தனர். ராஞ்சி, ஹடியா, கன்கோ, ஹிஜ்ரி ஆகிய தொகுதிகளில் நடைபெற்ற இந்த ரோடு ஷோவில் சுமார் 2 லட்சம் பா.ஜ.க. ஆதரவாளர்கள் கலந்துகொண்டதாக கூறப்படுகிறது.
ராஞ்சி தொகுதியில் தொடர்ந்து ஆறு முறை வெற்றி பெற்ற மற்றும் முன்னாள் அமைச்சராகப் பணியாற்றிய சி.பி.சிங், பிரதமர் மோடியுடன் வாகனத்தில் பிரசாரத்தில் கலந்து கொண்டார்.
இந்நிலையில், ஜார்க்கண்ட் சட்டசபை தேர்தலில் ஜார்க்கண்ட் முக்தி மோர்ச்சாவிடமிருந்து ஆட்சியைக் கைப்பற்றும் நோக்கத்துடன் பா.ஜ.க. தீவிரமாக பிரசாரம் செய்து வருவதால், தேர்தல் முடிவுகள் மிகவும் கடுமையான போட்டியுடன் அமையும் என எதிர்பார்க்கப்படுகிறது.
English Summary
Jharkhand assembly election heating up Prime Minister Modi vehicle rally in Ranchi today