தீபாவளிக்கு நடுரோட்டில் வெடி வெடித்த வாலிபர் - கார் மோதி பலி.!
man died for accident in maharastra
நாடு முழுவதும் கடந்த மாதம் 31ம் தேதி தீபாவளி பண்டிகை கொண்டாடப்பட்டது. இந்த விழாவை முன்னிட்டு சிறுவர்கள் முதல் பெரியவர்கள் வரை அனைவரும் பட்டாசு வெடித்தனர். இந்த நிலையில், மகாராஷ்டிரா மாநிலத்தில் உள்ள புனே மாவட்டம் பிம்புரி சிஞ்ச்வாட் பகுதியில் தீபாவளிக்கு முந்தைய நாள் இரவு சிலர் சாலையோரம் நின்று பட்டாசு வெடித்துக்கொண்டிருந்தனர்.
அப்போது, அதேபகுதியை சேர்ந்த சோகம் பட்டேல் என்பவர் சாலையின் நடுவே சென்று பட்டாசு வெடிக்க முயன்றுள்ளார். அப்போது சாலையில் வேகமாக வந்த கார் ஒன்று சோகம் பட்டேல் மீது மோதி விபத்துக்குள்ளானது. இந்த சம்பவத்தில் தூக்கி வீசப்பட்ட சோகம் பட்டேல் சம்பவ இடத்திலேயே பரிதாபமாக உயிரிழந்தார்.
இதைப்பார்த்து அதிர்ச்சியடைந்த அவரது உறவினர்கள் சோகம் பட்டேலின் உடலை கண்டு கதறி அழுதனர். அக்கம் பக்கத்தினர் அளித்த தகவலின் படி விரைந்து வந்த போலீசார் உயிரிழந்த சோகம் பட்டேலின் உடலை மீட்டு பிரேத பரிசோதனைக்கு அனுப்பி வைத்தனர். மேலும், விபத்தை ஏற்படுத்திவிட்டு தப்பிச்சென்ற கார் ஓட்டுனரை தீவிரமாகத் தேடி வருகின்றனர்.
English Summary
man died for accident in maharastra