#NEETUG2023 : இளங்கலை நீட் தேர்வுக்கான ஹால் டிக்கெட் வெளியீடு.. பதிவிறக்கம் செய்வது எப்படி.?
NEET UG 2023 exam hall ticket release
இளநிலை மருத்துவப்படிப்புக்கான நீட் தேர்வு ஹால் டிக்கெட் வெளியானது.
எம்.பி.பி.எஸ்., பிடிஎஸ், சித்தா, ஆயுர்வேதா, ஓமியோபதி உள்ளிட்ட மருத்துவப்படிப்புகளில் சேருவதற்காக அகில இந்திய அளவில் ஒவ்வொரு ஆண்டும் தேசிய தகுதி தேர்வான நீட் தேர்வு நடத்தப்படுகிறது.
அதன்படி, மருத்துவ படிப்புகளில் சேருவதற்கான நடப்பு கல்வி ஆண்டுக்கான இளநிலை நீட் தேர்வு, நாடு முழுவதும் வருகிற மே மாதம் 7ஆம் தேதி நடைபெறுகிறது.
இதற்கான விண்ணப்பப்பதிவு கடந்த மார்ச் 6-ம் தேதி தொடங்கிய நிலையில் ஏப்ரல் 15ம் தேதி வரை விண்ணப்பத்திருந்தனர். இதில் நாடு முழுவதும் நீட் தேர்வு எழுத இதுவரை இல்லாத வகையில் 20.87 லட்சம் மாணவ, மாணவிகள் விண்ணப்பித்துள்ளனர். இதில் ஆண்களை விட 2.80 பெண்கள் அதிகமாக விண்ணப்பித்துள்ளனர்.
இந்த நிலையில் இளங்கலை நீட் தேர்வுக்கான ஹால் டிக்கெட் இன்று வெளியிடப்பட்டுள்ளது. http://Neet.nta.nic.in என்ற இணையதளத்தில் பதிவு எண், பிறந்த தேதி ஆகியவற்றை உள்ளீடு செய்து ஹால் டிக்கெட்டை பதிவிறக்கம் செய்து கொள்ளலாம் என தேசிய தேர்வு முகமை அறிவித்துள்ளது.
English Summary
NEET UG 2023 exam hall ticket release