திருமலை திருப்பதி தேவஸ்தானத்தின் அறங்காவலர் குழு தலைவர் பி.ஆர். நாயுடு தலைமையில் நேற்று கூட்டம் நடைபெற்றது. கூட்டத்திற்குப் பிறகு செய்தியாளர்களிடம் பேசிய அவர், தேவஸ்தானத்தில் பணியாற்றும் வேற்று மத ஊழியர்களுக்கு விருப்ப ஓய்வு வழங்குவது அல்லது அவர்களை வேறு துறைக்கு மாற்றுவது தொடர்பாக முடிவு எடுக்கப்பட்டுள்ளது என்று தெரிவித்தார்.  

முன்னதாக கருடா மேம்பாலம் என அழைக்கப்பட்ட பெயர், சீனிவாச சேது என மாற்றப்பட்டிருந்தது. இதை மீண்டும் கருடா மேம்பாலம் என பெயர் மாற்ற நடவடிக்கை மேற்கொள்ளப்படும்.  

இலவச தரிசனத்தில் பக்தர்கள் நீண்ட நேரம் காத்திருக்க வேண்டாம் என, ஏ.ஐ. தொழில்நுட்பத்தை பயன்படுத்தி காத்திருப்பு நேரத்தை குறைக்கும் வழிகளை நிபுணர்கள் ஆய்வு செய்து வருகின்றனர். மேலும், தரிசன டிக்கெட்டுகளுக்கான முறைகேடுகளை தடுக்க மாநில சுற்றுலாத்துறைக்கு ஒதுக்கப்பட்ட அனைத்து டிக்கெட்டுகளும் ரத்து செய்யப்படும்.  

திருப்பதியில் முக்கிய பிரமுகர்கள் அரசியல் சார்ந்த அல்லது சர்ச்சைக்குரிய கருத்துக்களை வெளியிட்டால், அவர்களிடம் நடவடிக்கை எடுக்கப்படும் என அவர் எச்சரித்தார்.  

இந்நடவடிக்கைகள், பக்தர்கள் சிரமமின்றி தரிசனம் செய்யும் அனுபவத்தை மேம்படுத்தும் நோக்கத்தில் மேற்கொள்ளப்பட்டுள்ளதாக தெரிகிறது.