சுட்டெரிக்கும் வெயில்.. மகாராஷ்டிரா மாநிலத்தில் 25 உயிரிழப்பு.!
Scorching sun in Maharashtra 25 members death
இந்தியாவில் தற்போது கோடை காலம் தொடங்கியதிலிருந்து ராஜஸ்தான் டெல்லி மகாராஷ்டிரா உள்ளிட்ட வடமாநிலங்களில் வெப்பம் வாட்டி வதைத்து வருகிறது. சுட்டெரிக்கும் வெயிலால் மக்கள் பெரிதும் அவதியுற்று வருகின்றனர். மேலும் அனல் காற்று வீசி வருகிறது.
வெயில் சுட்டெரித்து வரும் நிலையில், பல்வேறு வட மாநிலங்களில் மாணவர்களின் நலனை கருத்தில் கொண்டு பள்ளிகளின் நேரம் மாற்றப்பட்டுள்ளது. இருந்த போதிலும் கூட வெயிலின் தாக்கத்தால் பொதுமக்கள் வெயில் சார்ந்த பிரச்சனைகளை சந்தித்து வருகின்றனர்.
இந்த நிலையில் மகாராஷ்டிரா சுகாதாரத் துறை வெளியிட்டுள்ள செய்தி குறிப்பில், கடந்த 2016ம் ஆண்டு வெயிலின் தாக்குதலுக்கு 19 பேர் உயிரிழந்துள்ளனர். அதற்குப் பின் ஆறு ஆண்டுகள் கழித்து நடப்பு 2022ம் ஆண்டில் மகாராஷ்டிர மாநிலத்தில் கடுமையான வெயிலின் தாக்கத்தால் 6 ஆண்டுகளில் இல்லாத அளவுக்கு 25 பேர் உயிரிழந்துள்ளதாக தகவல் வெளியாகி உள்ளது.
அடுத்த இரண்டு நாட்களுக்கு மகாராஷ்டிர மாநிலத்தின் பல்வேறு பகுதிகளில் கடுமையான வெப்பஅலை பரக்கூடிய சூழல் காணப்படும் என்றும் சுகாதாரத்துறை மக்களுக்கு எச்சரிக்கை விடுத்துள்ளது.
English Summary
Scorching sun in Maharashtra 25 members death