தமிழக சட்டசபைக் கூட்டம் எப்போது தொடங்குகிறது - வெளியானது முக்கிய அறிவிப்பு.!
coming december nineth tamilnadu assembly meeting start
தமிழக சட்டசபையில் கடந்த பிப்ரவரி மாதம் 19-ந்தேதி பட்ஜெட் தாக்கல் செய்து முடித்ததும் அதன் மீதான விவாதம் நான்கு நாள் நடைபெற்றது. அதன்பிறகு மானியக் கோரிக்கை மீதான விவாதம் உடனே நடைபெறாமல் பாராளுமன்ற தேர்தலுக்காக தள்ளி வைக்கப்பட்டது.
தேர்தல் முடிந்ததும் 2024-25-ம் ஆண்டிற்கான மானிய கோரிக்கை மீதான விவாதத்தை நடத்தும் விதமாக கடந்த ஜூன் மாதம் 20-ந்தேதி தமிழக சட்டசபை மீண்டும் கூடியது. அப்போது துறை வாரியாக மானிய கோரிக்கை மீதான விவாதங்கள் அடங்கிய கூட்டம் நடந்தது.
பொதுவாக தமிழக சட்டசபைக் கூட்டம் ஆறு மாதத்திற்கு ஒருமுறை நடத்தப்பட வேண்டும். இந்த நிலையில் டிசம்பர் மாதம் 9-ந்தேதி தமிழக சட்டசபை கூடும் என்று அறிவிக்கப்பட்டுள்ளது. இது குறித்து சபாநாயகர் அப்பாவு தெரிவித்ததாவது:-
டிசம்பர் மாதம் 9-ந்தேதி தமிழக சட்டசபை கூடுகிறது. அலுவல் ஆய்வு குழு கூட்டத்தை கூட்டி எத்தனை நாட்கள் சட்டசபை கூட்டத்தை நடத்துவது என்பது குறித்து முடிவெடுப்போம். சட்டசபை நடத்தும் நாட்கள் குறித்து அனைத்து கட்சி உறுப்பினர்கள் அடங்கிய அலுவல் ஆய்வு குழு கூட்டம் முடிவெடுக்கும்" என்று தெரிவித்துள்ளார்.
English Summary
coming december nineth tamilnadu assembly meeting start