முலாயம் சிங் யாதவிற்கு தமிழக முதலமைச்சர் இரங்கல்..!

சமாஜ்வாடி கட்சியின் நிறுவனரும், உத்தரபிரதேச மாநிலத்தின் முன்னாள் முதலமைச்சருமான முலாயம்சிங், உடல்நலக்குறைவின் காரணமாக, கடந்த ஆகஸ்டு மாதம் 22-ந் தேதி டெல்லி அருகே குருகிராம் பகுதியில் உள்ள மெடண்டா மருத்துவமனையில் அனுமதிக்கப்பட்டார்.

சமீபத்தில் அவரது உடல்நிலை மோசமடைந்ததால், கடந்த 2-ந் தேதி தீவிர சிகிச்சை பிரிவுக்கு மாற்றப்பட்டார். அவரது உடல்நிலை மிகவும் கவலைக்கிடமாக இருந்து வந்த நிலையில், நேற்று அவரது உடல்நிலை மிகவும் மோசமானது.

இதனால், அவருக்கு உயிர் காக்கும் மருந்துகள் அளிக்கப்பட்டநிலையில் சிகிச்சை பலனின்றி இன்று உயிரிழந்தார். அவரது மறைவிற்கு பல்வேறு அரசியல் கட்சி தலைவர்கள் இரங்கல் தெரிவித்து வருகின்றார்.

இதுகுறித்து, முதலமைச்சர் மு.க.ஸ்டாலின் வெளியிட்டுள்ள இரங்கல் செய்தியில், "உபி-ன் முன்னாள் முதலமைச்சரும், சமாஜ்வாடி கட்சியின் மூத்த தலைவருமான முலாயம் சிங் யாதவ் மறைவு வருத்தம் அளிக்கிறது. மதச்சார்பற்ற கொள்கைகளில் ஆழ்ந்த ஈடுபாடு கொண்டிருந்தார் முலாயம் சிங். அவரது மறைவு ஈடு செய்ய முடியாத இழப்பு என்று தெரிவித்துள்ளார்.