இந்தியாவில் தற்கொலை செய்துகொள்ளும் மாநிலங்களில் தமிழகம் இரண்டாவது இடம் - மத்திய அரசு தகவல்.!

மக்களவையில் நாட்டில் நடைபெற்று வரும் தற்கொலைகள் குறித்து கேள்வி எழுப்பப்பட்டது. இந்தக் கேள்விக்கு மத்திய தொழிலாளர் மற்றும் வேலைவாய்ப்பு நலன் துறை மற்றும் மத்திய குற்ற ஆவண காப்பகம் பதில் அளித்துள்ளது. அதில் தெரிவித்துள்ளதாவது:-

"இந்தியாவில் உள்ள 36 மாநிலங்கள் மற்றும் யூனியன் பிரதேசங்களில் கடந்த 2021-ம் ஆண்டில் மட்டும் சுமார் 1,64,033 பேர் தற்கொலை செய்து கொண்டுள்ளனர். இவர்கள் அனைவரும் உயிரிழப்பதற்கு வேலையின்மை மற்றும் பணியிலிருந்து நீக்கப்பட்டதன் மனச்சுமை காரணம் இல்லை.

இதற்கு, பல்வேறு காரணங்கள் உள்ளதாக மத்திய அரசு தெரிவித்துள்ளது. இதில் தமிழகத்தைப் பொறுத்தவரை கடந்த 2021-ம் ஆண்டில் மட்டும் 18,925 பேர் தற்கொலை செய்து கொண்டுள்ளனர்.

இந்நிலையில், இந்தியாவில் அதிகம் பேர் தற்கொலை செய்துகொள்ளும் மாநிலங்களில் தமிழகம் இரண்டாவது இடத்தில் உள்ளது என்று மத்திய அரசின் புள்ளி விவரங்கள் தெரிவித்துள்ளது.