உ.பி: 2 வருடமாக சிறுமியை பாலியல் பலாத்காரம் செய்தவர் கைது.!

உத்தர பிரதேசம் மாநிலத்தில் திருமணம் செய்து கொள்வதாக ஆசை வார்த்தைகள் கூறி சிறுமியை இரண்டு வருடமாக பாலியல் பலாத்காரம் செய்த நபரை போலீசார் கைது செய்தனர்.

உத்தரபிரதேச மாநிலத்தில் உள்ள சுல்தான்பூரில் முதுகலை பட்டப்படிப்பு படிக்கும் வாலிபர், சிறுமி ஒருவரிடம் பழகி வந்துள்ளார். பின்பு அவரிடம் திருமணம் செய்து கொள்வதாக ஆசை வார்த்தைகள் கூறி, கடந்த இரண்டு வருடங்களாக பாலியல் வன்கொடுமை செய்து வந்துள்ளார்.

இதனால் உடல் ரீதியாக பாதிக்கப்பட்ட சிறுமி இது குறித்து காவல் நிலையத்தில் புகார் அளித்துள்ளார். இதில் என்னிடம் அந்த நபர், தனது மனைவி என்று அழைத்ததாகவும் இரண்டு வருடங்களாக பாலியல் ரீதியாக துன்புறுத்தி வந்ததாகவும் தெரிவித்துள்ளார்.

இந்த புகாரின் அடிப்படையில் விசாரணை மேற்கொண்ட போலீசார், போக்சோ சட்டத்தின் கீழ் வழக்கு பதிவு செய்து சிறுமிக்கு பாலியல் தொந்தரவு கொடுத்த நபரை கைது செய்தனர்.