அதிர்ச்சி.. தண்டவாளத்தில் கிடந்த பலகை மற்றும் கம்பி - ரயிலை கவிழ்க்க சதியா?
tried to derailed train in uttar pradesh
உத்தரபிரதேசம் மாநிலத்தில் உள்ள பரேலி மாவட்டம் திப்னாபூர் ரெயில் நிலையத்துக்கு அருகே நேற்று காலை சரக்கு ரெயில் ஒன்று சென்று கொண்டிருந்தது. அப்போது அங்குள்ள தண்டவாளத்தில் சிமெண்டு பலகை மற்றும் இரும்பு கம்பி வைக்கப்பட்டிருந்தது.
இதை பார்த்து அதிர்ச்சியடைந்த ரெயில் ஓட்டுநர் அவசரகால 'பிரேக்' மூலம் ரெயிலை உடனடியாக நிறுத்தினர். இதனால் நடைபெறவிருந்த பெரும் அசம்பாவிதம் தவிர்க்கப்பட்டது. பின்னர் இந்த சம்பவம் குறித்து ரெயில்வே அதிகாரிகளுக்கு தகவல் அளிக்கப்பட்டது.
அதன் படி சம்பவ இடத்திற்கு வந்த ரெயில்வே ஊழியர்கள் மற்றும் அதிகாரிகள் தண்டவாளத்தில் வைக்கப்பட்டிருந்த சிமெண்டு பலகை மற்றும் இரும்பு கம்பியை அகற்றினர்.
அதன்பின்னர் சரக்கு ரெயில் அங்கிருந்து புறப்பட்டு சென்றது. இதையடுத்து போலீசார் சரக்கு ரெயிலை கவிழ்க்க சதி செயலில் ஈடுபட்டவர்கள் யார்? என்பது குறித்து தீவிர விசாரணை நடத்தி வருகின்றனர். இந்தச் சம்பவத்தால் அப்பகுதியில் பரபரப்பு ஏற்பட்டது.
English Summary
tried to derailed train in uttar pradesh