உலக நாடுகள் இந்தியா யோகாவுக்கு சர்வதேச அங்கீகாரம் அளித்துள்ளது. இதனால் இந்தியாவை உலக யோகா குரு என்று அழைக்கிறார்கள், இந்த யோகா பயிற்சி உடல் மட்டுமின்றி, மன ஆரோக்கியத்திற்கும் மிகவும் பயனுள்ளதாக இருக்கும், யோகாவின் முக்கியத்துவத்தை சொல்ல, சர்வதேச யோகா தினம் ஒவ்வொரு ஆண்டும் கொண்டாடப்படுகிறது. 

யோகா பயிற்சியின் நன்மைகள் குறித்து மக்களுக்கு விழிப்புணர்வு ஏற்படுத்துவதும், உலக அளவில் யோகா பயிற்சியை ஊக்குவிப்பதும் இந்த தினத்தின் நோக்கமாகும், ஆனால் யோகா தின கொண்டாட்டம் எப்போது தொடங்கியது மற்றும் அதன் முக்கியத்துவம் என்ன? என்று உங்களுக்கு தெரியுமா.

உலக அளவில் சர்வதேச யோகா தினத்தை கொண்டாடுவதற்கான முன்மொழிவு முதன்முதலில் இந்திய பிரதமர் நரேந்திர மோடியால் கடந்த 27 செப்டம்பர் 2014ஆம் ஆண்டு அன்று ஐக்கிய நாடுகள் பொதுச் சபையில் முன்வைக்கப்பட்டது. மேலும் கடந்த 11 டிசம்பர் 2014ஆம் ஆண்டு அன்று, ஐக்கிய நாடுகளின் பொதுச் சபை இந்த முன்மொழிவை ஏற்றுக்கொண்டது மற்றும் ஜூன் 21 சர்வதேச யோகா தினமாக அறிவிக்கப்பட்டது.

மொத்தம் 177 நாடுகள் இந்த முன்மொழிவை வரவேற்றன, அதன் பிறகு முதல் யோகா தினம் கடந்த 21 ஜூன் 2015ஆம் ஆண்டு அன்று கொண்டாடப்பட்டது, அதன் பிறகு ஒவ்வொரு ஆண்டும் ஜூன் 21 அன்று சர்வதேச யோகா தினம் கொண்டாடப்படுகிறது.

ஜூன் 21 ஆம் தேதி வடக்கு அரைக்கோளத்தில் மிக நீண்ட நாள், இது கோடைகால சங்கிராந்தி என்றும் அழைக்கப்படுகிறது. இந்த நாள் யோகா மற்றும் ஆன்மீகத்திற்கு முக்கியமானதாகக் கருதப்படுகிறது, எனவே ஜூன் 21 ஆம் தேதி யோகா தினமாக கொண்டாடப்பட்டது.

யோகா பயிற்சி ஒரு பண்டைய இந்திய நாகரிகம், ஆனால் தற்போது இதை உலகளவில் மக்களால் ஏற்றுக்கொள்ளப்பட்டு வருகிறது, மேலும் யோகாவின் இந்த முக்கியத்துவத்தை உலகம் முழுவதும் புரிந்து கொண்டுள்ளது. யோகா பயிற்சி மூலம் உடல் மற்றும் மன ஆரோக்கியத்தை மேம்படுத்துவதே சர்வதேச யோகா தினத்தின் முக்கியத்துவம்.