அலுவலகங்களில் பிளாக் காபி, பால் காபி, கப்புசினோ போன்றவற்றை மெஷின் மூலமாக சுலபமாகக் கிடைக்கவைத்திருப்பது இன்று பரவலாக உள்ளது. தூக்கம் போக்க, சுறுசுறுப்பைத் தர என பலர் நாள்தோறும் பலமுறை அலுவலக காபி மெஷினை பயன்படுத்தி வருகிறார்கள். ஆனால், இந்த பழக்கத்தால் உங்கள் இதய ஆரோக்கியம் அபாயத்தில் உள்ளதாக புதிய ஆய்வு ஒன்று எச்சரிக்கிறது.

சூரியனில் உள்ள ஆராய்ச்சியாளர்கள் மேற்கொண்ட ஆய்வில், 14 அலுவலகங்களில் உள்ள காபி மெஷின்களிலிருந்து எடுத்த மாதிரிகள் மற்றும் வீட்டில் தயாரிக்கப்படும் காபி மாதிரிகள் ஒப்பிடப்பட்டன. இதில், அலுவலக காபி மெஷின்களில் இருந்து வரும் காபிகளில், கேஃபெஸ்டால் (Cafestol) மற்றும் கஹ்வியோல் (Kahweol) எனப்படும் இரு ரசாயனங்கள் அதிகம் இருப்பது தெரியவந்துள்ளது. இவை இரண்டும் உடலில் கெட்ட கொழுப்புகள் (LDL cholesterol) அதிகரிக்க முக்கிய காரணிகளாக உள்ளன.

மெஷின் காபியின் பாதிப்பு:

• மாரடைப்பு அபாயம்: ஒரு நாளில் மூன்று அல்லது அதற்கு மேல் காபி குடிப்பது, மாரடைப்பிற்கான அபாயத்தைக் கூட்டும் என தெரிவிக்கப்பட்டுள்ளது.

• அசிடிட்டி மற்றும் நரம்பு பாதிப்பு: மெஷின் காபியை அளவுக்கு அதிகமாக குடிப்பது, அமிலத்தன்மை, நெஞ்செரிச்சல் மற்றும் நரம்பு பிரச்சனையை ஏற்படுத்தலாம்.

• எடை அதிகரிப்பு மற்றும் நீரிழிவு அபாயம்: சில மெஷின் காபிகளில் சர்க்கரை, சிரப் போன்றவை சேர்க்கப்பட்டிருப்பதால், அவை நீண்ட காலத்தில் எடை அதிகரிக்கும், நீரிழிவு நோய் வர வாய்ப்பு ஏற்படும்.

ஆரோக்கியத்திற்கு சற்று விலகும் மெஷின் காபி?

ஆய்வில் வெளிவந்த மற்றொரு முக்கிய விஷயம் என்னவெனில், வீட்டில் தயாரிக்கப்படும் சாமான்ய காபி, அலுவலக மெஷின் காபிக்கு மாற்றாக இருந்தால், இதய நோய்களுக்கான அபாயம் குறைவாக இருக்கும். அதேவேளை, ஐரோப்பிய ‘தடுப்பு இதயவியல் இதழில்’ வெளியான மற்றொரு ஆய்வில், நாள் ஒன்றுக்கு இரண்டு முதல் மூன்று கப் காபி குடிப்பவர்கள், காபி குடிக்காதவர்களை விட இதய நோய் மற்றும் ஆரம்ப கால இறப்பு அபாயங்களில் இருந்து பாதுகாப்பு பெறுவதாகவும் கூறப்பட்டுள்ளது.

காபி குடிப்பது முழுக்க தவறு இல்லை. ஆனால் அது எங்கேயிருந்து, எப்படி தயாரிக்கப்படுகிறது என்பதில்தான் முக்கியம் உள்ளது. அலுவலக மெஷின் காபிகளை தொடர்ந்து மற்றும் அதிகமாக குடிப்பது, உங்கள் இதய ஆரோக்கியத்திற்கு தீங்கு விளைவிக்கக்கூடும் என்பதே இந்த ஆய்வின் முக்கிய எச்சரிக்கை.