* சமையலுக்கு பயன்படுத்தும் உருளைக்கிழங்கு சரும பராமரிப்புக்கும் கூந்தல் பராமரிப்பிற்கும் வரண்ட சருமம், கருவளையம், கரும்புள்ளிகள், கண்களில் ஏற்படும் வீக்கம் போன்றவற்றை குணப்படுத்தும். 

* உருளைக்கிழங்கை சிறு சிறு துண்டுகளாக நறுக்கி குளிர் தண்ணீரில் ஊற வைத்து கருவளையம் உள்ள இடங்களில் 20 நிமிடம் வைத்துவிட்டு முகத்தை குளிர்ந்த தண்ணீரால் கழுவ வேண்டும். இவ்வாறு தொடர்ந்து செய்தால் இரண்டு வாரத்தில் கருவளையம் நீங்கும். 

* வெயிலால் ஏற்படும் கருப்பை நீக்குவதற்கு உருளைக்கிழங்கை அரைத்து முகத்தில் மாஸ்போல் போட்டுக்கொள்ள வேண்டும். 20 நிமிடம் கழித்து குளிர்ந்த தண்ணீரால் கழுவினால் கருமையான சருமம் பொலிவுடன் காணப்படும். 

* அரைத்த உருளைக்கிழங்கு உடன் கற்றாழை ஜெல் சேர்த்து முகத்தில் போட பொலிவாக மாறும். தயிருடன் உருளைக்கிழங்கு அரைத்து சேர்த்து முகத்தில் தடவி வர சரும பளபளப்பாக மாறும். 

* கண்களில் ஏற்படும் வீக்கங்களை குணப்படுத்த உருளைக்கிழங்கை அரைத்து அதனுடன் சாறு ஆலிவ் ஆயில் போன்றவற்றை சேர்த்து முகத்தில் தடவலாம். 

* உருளைக்கிழங்கு சாறுடன் இரண்டு ஸ்பூன் எலுமிச்சை சாறு கலந்து கரும்புள்ளி இருக்கும் இடத்தில் தடவி 15 நிமிடங்கள் கழித்து கழுவ கரும்புள்ளிகள் நீங்கும்.

* சருமத்தில் ஏற்படும் அரிப்பு அல்லது எரிச்சல் பிரச்சனைக்கு உருளைக்கிழங்கு சாறுடன் முட்டையின் வெள்ளை கருவை சேர்த்து நன்றாக கலந்து தடவி வர எரிச்சல் மற்றும் அரிப்பு பிரச்சனைகள் குணமடையும்.