சென்னை:வாக்கிங் என்பது உடல்நலம் காக்கும் மிக முக்கியமான உடற்பயிற்சி என நிபுணர்கள் வலியுறுத்துகிறார்கள். தினமும் 10,000 அடிகள் நடக்க வேண்டும் என்ற பொதுவான கருத்து உலகம் முழுவதும் பரவலாக பயன்படுத்தப்பட்டாலும், இது அனைத்து நாடுகளுக்கும் பொருந்தும் ஒன்று அல்ல என்பதே சமீபத்திய ஆராய்ச்சிகளின் கருத்தாக உள்ளது. குறிப்பாக இந்தியர்களின் வாழ்க்கைமுறை, வேலை பாணி மற்றும் உணவுப் பழக்கங்களை பார்க்கும்போது, இந்த இலக்கை மாற்றிக் கொள்ள வேண்டிய அவசியம் இருக்கிறது.

இந்தியர்களுக்கேற்ற வாக்கிங் அளவு எப்படி இருக்க வேண்டும்?

ஆரோக்கியத்தை மேம்படுத்துவதற்காக, பொதுமக்கள் தினமும் 5,000 முதல் 7,000 வரை அடிகள் நடப்பது போதுமானது என மருத்தவர்கள் தெரிவிக்கின்றனர். முதியவர்கள், தொடக்க நிலை நீரிழிவு நோயாளிகள், மூட்டு வலி உள்ளவர்கள் போன்றோருக்கு 3,000–5,000 அடிகள் வரை நடப்பது நலமளிக்கும். ஆனால் உடல் எடையை குறைக்க விரும்புவோர் 8,000–10,000 அடிகள் வரை மெதுவாக அதிகரித்து வாக்கிங் செய்யலாம்.

வேலைவாய்ப்புகளுக்கு ஏற்ப வாக்கிங் அளவு:

• ஆசிரியர்கள் மற்றும் லேபோரட்டரிக்கு அதிகம் நடக்க வேண்டியவர்களுக்கு தினமும் 6,000 அடிகள் வரை நடப்பது இயல்பு.

• வீட்டிலேயே இருக்கும் பெண்கள், சமையல், வீட்டு வேலை, பசங்களை பள்ளிக்கு அனுப்பும் வேலை போன்றவற்றால் 4,000–6,000 ஸ்டெப்ஸ்ஸை அடைகிறார்கள்.

• IT ஊழியர்கள், பெரும்பாலும் டெஸ்க்கில் உட்கார்ந்தே வேலை செய்யும் நிலையில், சராசரியாக 2,000–3,000 அடிகள் தான் நடக்கிறார்கள். இவர்கள்தான் கூடுதல் கவனத்துடன் வாக்கிங் செய்ய வேண்டும்.

வாக்கிங்கின் நன்மைகள்:

• உடல் இயக்கங்களை சீராக்கும்

• மன அழுத்தம் குறைக்கும்

• சர்க்கரை அளவை கட்டுப்படுத்தும்

• தூக்கமின்மை மற்றும் மனச்சோர்வை குறைக்கும்

சிறந்த நடைமுறை திட்டம்:

• தினமும் 30 நிமிடங்கள் (சமச்சீர் நடை)

• குறைந்தபட்சம் 6,000 ஸ்டெப்ஸ்

• வாரத்திற்கு 5 நாட்கள்

இவை அனைத்தையும் பின்பற்றினால், ஒருவர் ஆரோக்கிய வாழ்கையை நோக்கி பயணிக்கிறார் என்பதில் சந்தேகமில்லை.

சிறிய மாற்றங்கள், பெரிய பலன்கள்:

மின்னஞ்சலுக்கு பதிலாக நேரில் சென்று பேசுங்கள், லிப்ட் பதிலாக படி பயன்படுத்துங்கள், மற்றும் தினசரி ஒரு ஸ்டெப்பாவது அதிகப்படுத்துங்கள். வெறும் வாக்கிங் மட்டுமல்ல, சத்தான உணவும்தான் ஃபிட்டான உடலுக்கு அடிப்படை என்பதை மறந்துவிடக்கூடாது.