விசிக தலைவருக்கு அழைப்பு விடுத்த அதிமுக.! பரபரப்பில் அரசியல் களம்.!!
admk invited vck leader thirumavalavan
விசிக தலைவருக்கு அழைப்பு விடுத்த அதிமுக.!
சமீபத்தில் விடுதலை சிறுத்தைகள் கட்சி தலைவர் தொல். திருமாவளவன் செய்தியாளர்கள் சந்திப்பின் போது, "மதுவிலக்கு தொடர்பாக அதிமுக போராட்டத்தை முன்னெடுத்தால் அதில் விசிக பங்கேற்கும்" என்று தெரிவித்திருந்தார்.
இந்நிலையில் இன்று செய்தியாளர்களிடம் பேசிய அதிமுக முன்னாள் அமைச்சர் மாஃபா பாண்டியராஜன், ’’தமிழகத்தில் நாளுக்கு நாள் சட்டஒழுங்கு சீர்க் கெட்டு உள்ளது. இது தொடர்பாக காவல்துறையும் அதனை கையில் வைத்திருக்கும் முதலமைச்சரும் முறையான நடவடிக்கை எடுக்கவில்லை.
தமிழகத்தில் கள்ளச்சாராயத்தால், பல உயிர்கள் பலியாகி உள்ளது. அதனால் தான் ஆளுநரை சந்தித்து மனு அளிக்க உள்ளோம். அதிமுக மதுவிலக்கு போராட்டத்தை முன்னெடுத்தால் அதில், நிச்சயம் விசிக கலந்துக் கொள்ளும் என்று திருமாவளவன் அறிவித்திருந்தார்.
அவருக்கு இந்த நேரத்தில் நாளை நடைபெறும் பேரணியில் கலந்துக் கொள்ள வேண்டும் என்று அழைப்பு விடுக்கிறோம்’’ என்றுத் தெரிவித்தார். திமுக கூட்டணியில் இருக்கும் விசிகவிற்கு அதிமுக அழைப்பு விடுத்துள்ளது அரசியல் காலத்தில் பெரும் பரபரப்பை ஏற்படுத்தியுள்ளது.
English Summary
admk invited vck leader thirumavalavan