இந்த ஆண்டு நடத்தப்பட்ட நீட் தேர்வுவில் குழப்பத்தில் ஆழ்த்திய ஒரு கேள்விக்கு வழங்கப்பட்ட கருணை மதிப்பெண் அனைவரையும் பெரும் குழப்பத்தில் தள்ளியது, அதனால் கருணை மதிப்பெண்களை ரத்து செய்ய மத்திய அரசு ஒப்புக்கொண்டிருப்பது அதன் சொந்த ‘அயோக்கியத்தனத்தின்’ மற்றொரு ஒப்புதலாகும் என்றும், மருத்துவ சேர்க்கை தேர்வு முறையை தீர்மானிப்பதில் "மாநில அரசுகளின் பங்கை மீட்டெடுக்க வேண்டும்" என்றும் தமிழக முதல்வர் மு.க.ஸ்டாலின் தெரிவித்தார்.

தமிழக முதல்வர், தனது X  பக்கத்தில் இட்ட ஒரு இடுகையில்,  "சமீபத்திய #NEET தேர்வு  ஊழலில் இருந்து கருணை மதிப்பெண்களை ரத்து செய்வதை ஒப்புக்கொண்டு, மத்திய அரசின் முயற்சியானது, அவர்களது சொந்த திறமையின்மையின் மற்றொரு ஒப்புதலாகும்."

"மாநிலங்களின் உரிமையைப் பறித்த பிறகு, முறைகேடுகள் மற்றும் தொழில்சார்ந்த முறையில் தேர்வுகளை நடத்துதல் போன்ற முக்கிய பிரச்சனைகளில் இருந்து கவனத்தை திசை திருப்ப அனுமதிக்கக் கூடாது" என்று அவர் கூறியிருந்தார்.

"அவர்களின் திறமையின்மை மற்றும் லட்சக்கணக்கான மாணவர்களின் வேதனையில் அக்கறையின்மை ஆகியவற்றைக் கண்டிக்கும் அதே வேளையில், மருத்துவ படிப்புகளுக்கான தேர்வு முறையை தீர்மானிப்பதில் மாநில அரசுகளின் பங்கை மீட்டெடுப்பதுதான் இந்த பிரச்சினைக்கு ஒரே தீர்வு என்பதை நாங்கள் மீண்டும் வலியுறுத்துகிறோம்" என்று முதல்வர் மேலும் அந்த இடுகையில் குறிப்பிட்டு இருந்தார்.

தமிழகத்தில் பிரதான எதிர்க்கட்சியான அதிமுக மற்றும் பாஜகவைத் தவிர மற்ற கட்சிகள் நீட் தேர்வை எதிர்த்தும், அதை ரத்து செய்யக் கோரியும் போராடி வருகின்றன.

இதற்க்கு முன்னதாக தமிழக முதல்வர் ஸ்டாலின் மருத்துவப் படிப்புகளுக்கான நீட் நுழைவுத்தேர்வு சமூக, பொருளாதார மற்றும் கூட்டாட்சி அரசியலையும், ஏழை மாணவர்களையும் மோசமாக பாதித்துள்ளதா என்பதை ஆய்வு செய்ய ராஜன் குழுவை நியமித்தார்.

ராஜன் குழு சமர்ப்பித்த அறிக்கையை ஆங்கிலம், தமிழ், மலையாளம், தெலுங்கு, கன்னடம், இந்தி, மராத்தி, பஞ்சாபி மற்றும் பெங்காலி ஆகிய 9 மொழிகளில் அறிக்கையின் நகல்களைப் பகிர்ந்து கொண்ட தமிழக முதல்வர் ஸ்டாலின், மருத்துவ கனவோடு வரும் மாணவர்களை எதிர் காலத்தை அழிக்கும்  நீட் தேர்வின் தீய விளைவுகளை இந்த அறிக்கையின் மூலம் நன்கு புரிந்துகொள்ள முடியும் என்றார்.