தவெக - திமுக இடையே வெடித்தது மோதல்!...சென்னையில் பரபரப்பு!

தேர்தல் ஆணையம் கடந்த மாதம் 28-ம் தேதி வரைவு வாக்காளர் பட்டியல் வெளியிடப்பட்டதை தொடர்ந்து வாக்காளர் பட்டியல் திருத்தப் பணிகள் தொடங்கிவிட்டன. நடப்பு மாதம் 16 மற்றும் 17-ம் தேதிகள் மற்றும் 23-ம் தேதிகளில் தமிழகம் முழுவதும் சிறப்பு வாக்காளர் முகாம் நடைபெற்றது.

அந்த வரிசையில், வாக்காளர் பட்டியலில் பெயர் சேர்த்தல் மற்றும் திருத்தம் செய்ய இன்று தமிழகம் முழுவதும் சிறப்பு வாக்காளர் முகாம் நடைபெறுகிறது. அதன் ஒரு பகுதியாக சென்னை அயோத்தி குப்பத்தில் வாக்காளர் சிறப்பு முகாம் நடைபெற்றது. இந்த முகாமில், காலை முதலே வாக்காளர்கள் தங்கள் பெயர்களை சேர்த்தல் மற்றும் திருத்தம் செய்து வருகின்றனர்.

இந்த நிலையில், தவெகவினர் மற்றும் திமுகவினருக்கு இடையே வாக்குவாதம் ஏற்பட்டதாக தெரிகிறது. தொடர்ந்து வாக்கு வாதம் முற்றிய நிலையில், இரு தரப்பினருக்கும் இடையே மோதல் ஏற்பட்டுள்ளது.

இந்த சம்பவம் குறித்து தகவல் அறிந்து வந்த 50 க்கும் மேற்பட்ட மெரீனா போலீசார், அங்கிருந்தவர்களை கலைந்து செல்ல முற்பட்டனர். இதனால் அப்பகுதியில் பரபரப்பு ஏற்பட்டுள்ளது.