தவெக மூலம் அதிமுக-விற்கு பாதிப்பு?...இன்று அ.தி.மு.க. மாவட்ட செயலாளர்கள் கூட்டம்!

தமிழக சட்டமன்ற எதிர்க்கட்சி தலைவரும், அதிமுக பொதுச்செயலாளருமான எடப்பாடி பழனிச்சாமி இன்று அ.தி.மு.க. மாவட்ட செயலாளர்கள் கூட்டம் நடைபெறும் என்று அறிவித்து இருந்தார்.

அதன் படி, சென்னை ராயப்பேட்டையில் உள்ள அதிமுக கட்சியின் தலைமை அலுவலகத்தில் மாவட்ட செயலாளர்கள் கூட்டம் இன்று காலை 10 மணிக்கு நடைபெற உள்ளது. இந்த கூட்டத்தில் அதிமுக பொதுச் செயலாளர் எடப்பாடி பழனிசாமி தலைமை தாங்கும் நிலையில், இதில் மாவட்ட செயலாளர்கள் மற்றும் பிற மாநில செயலாளர்கள் கலந்து பங்கேற்க உள்ளனர்.

சட்டசபை தேர்தலுக்கு இன்னும் 1.5 ஆண்டுகள் மட்டுமே இருப்பதால், பொது மக்கள் பிரச்சினைகளை வெளியே கொண்டுவந்து போராட்டங்களை நடத்துவது குறித்து இந்த கூட்டத்தில் விவாதிக்கப்பட உள்ளதாக தகவல் வெளியாகி உள்ளது.

மேலும், நடிகர் விஜய் புதிய அரசியல் கட்சி தொடங்கியது குறித்தும், அதனால் தேர்தலில் அ.தி.மு.க.வுக்கு பாதிப்பு வருமா உள்ளிட்டவை குறித்து ஆலோசனை மேற்கொள்ளப்பட உள்ளதாக தகவல் வெளியாகி உள்ளது. தவெக மாநாட்டில் அதிமுக-வை விஜய் விமர்சித்து பேசாமல் இருந்தார் என்பது குறிப்பிடத்தக்கது.