அவர்களுக்கு எரிச்சலா இருக்க... யாருக்கு? உதயநிதி ஸ்டாலின் பரபரப்பு பேச்சு!

தஞ்சையில் நடைபெற்ற திமுக நிர்வாகியின் இல்லத் திருமண விழாவில் கலந்து கொண்டு மணமக்களை வாழ்த்திய துணை முதலமைச்சர் உதயநிதி, பின்னர் நிகழ்ச்சியில் பேசியதாவது,

திமுகவை அழிக்க வேண்டும் என நினைப்பவர்களுக்கு, நான் பதில் சொல்ல வேண்டிய அவசியமில்லை. அவர்களுக்கு தமிழ்நாட்டு மக்கள் தக்க பதிலடி கொடுப்பார்கள்.

திமுக தொடர்ந்து தேர்தல்களில் வெற்றிப்பெற்று வருகிறது. திமுக தொண்டர்கள் மகிழ்ச்சியோடு இருக்கிறார்கள், இது தான் எதிரிகளை எரிச்சலடைய வைக்கிறது.

முக ஸ்டாலின் தலைமையில் திமுக தொடர்ந்து வெற்றி பெறுவது நம் எதிரிகளுக்கு மிகப்பெரிய எரிச்சலை தருகிறது. அதிமுக அணியில் பல பிரிவுகள் உருவாகி விட்டுள்ள நிலையில், பாஜக எப்படியாவது திமுக கூட்டணி உடைய வேண்டும் என்று இருக்கிறது.

ஆனால், திமுக கூட்டணி வலுவாக உள்ளது, 2026-ல் திமுக 7-வது முறையாக ஆட்சி அமைத்து புதிய வரலாற்றை உருவாக்கும்" உதயநிதி ஸ்டாலின் பேசினார்.