பத்ம விருதுகளுக்கு தேர்வானவர்களுக்கு பாமக இளைஞரணி தலைவர் மருத்துவர் அன்புமணி இராமதாஸ் எம்.பி., தனது வாழ்த்துக்களை தெரிவித்துள்ளார்.

இதுகுறித்து இன்று அவர் விடுத்துள்ள வாழ்த்துச் செய்தியில், 

"முன்னாள் மத்திய அமைச்சர் குலாம்நபி ஆசாத், மேற்கு வங்க முன்னாள் முதலமைச்சர் புத்ததேவ் பட்டாச்சார்யா,  டாடா குழுமத் தலைவர் சந்திர சேகரன், கூகுள்  சுந்தர் பிச்சை உள்ளிட்ட  21  பேருக்கு பத்மபூஷன் உட்பட 122 பேருக்கு பத்ம விருதுகள் அறிவிக்கப்பட்டுள்ளன. அனைவருக்கும் வாழ்த்துகள்.

விமான விபத்தில் காலமான முப்படைகளின் தலைமைத் தளபதி பிபின் ராவத்துக்கு  பத்மவிபூஷன் விருது வழங்கப்பட்டிருப்பது  அவருக்கு செய்யப்பட்டிருக்கும் சிறந்த மரியாதை. ஒலிம்பிக்கில் தங்கம் வென்ற நீரஜ் சோப்ராவுக்கு பத்மஸ்ரீ வழங்கப்பட்டிருப்பதும் சிறப்பு.

முன்னாள் மத்திய அமைச்சர் குலாம்நபி ஆசாத், மேற்கு வங்க முன்னாள் முதலமைச்சர் புத்ததேவ் பட்டாச்சார்யா, டாடா குழுமத் தலைவர் சந்திர சேகரன், கூகுள் சுந்தர் பிச்சை உள்ளிட்ட 21 பேருக்கு பத்மபூஷன் உட்பட 122 பேருக்கு பத்ம விருதுகள் அறிவிக்கப்பட்டுள்ளன. அனைவருக்கும் வாழ்த்துகள்!(1/3)

— Dr ANBUMANI RAMADOSS (@draramadoss) January 25, 2022

தமிழகத்தைச் சேர்ந்த  சமூக சேவகர் தாமோதரன், நடிகை சவுகார் ஜானகி, சிற்பி பாலசுப்பிரமணியன், மருத்துவர் வீராசாமி சேஷய்யா, கலைத்துறையைச் சேர்ந்த முத்துக்கண்ணம்மாள், ஏ.கே.சி. நடராஜன் உள்ளிட்ட 7 பேருக்கு பத்மஸ்ரீ விருது வழங்கப்பட்டிருப்பது மகிழ்ச்சியளிக்கிறது" என்று மருத்துவர் அன்புமணி இராமதாஸ் எம்.பி., தனது வாழ்த்துக்களை தெரிவித்துள்ளார்.